20°C , Mostly cloudy | Kigali-Rwanda

Basketball: Hahamagawe abakinnyi bagomba gutangira imyiteguro yo gushaka itike y’igikombe k’Isi

Yanditswe na NKOMEJE GUILLAUME

Ku ya 17-04-2018 saa 08:24:44

Mwiseneza Maxime utoza ikipe y’igihugu nkuru y’umukino wa Basketball by’agateganyo, yahamagaye abakinnyi bagomba gutangira imyiteguro y’imikino y’ikiciro cya kabiri yo gushaka itike y’igikombe k’Isi “FIBA Basketball World Cup 2019 Qualifiers”, izabera muri Nigeria kuva tariki 29 Gicurasi kugeza 01 Kamena 2018.

Mwiseneza usanzwe atoza n’ikipe ya Espoir BBC, yabwiye Imvaho Nshya ko bazakora imyitozo yabo ya mbere kuri uyu wa Gatatu tariki 18 Mata 2018, ndetse  ko bazajya bayikora kabiri mu cyumweru. Yagize ati “Imyitozo ya mbere tuzayitangira kuri uyu wa Gatatu, tuzatangira dukora kabiri mu cyumweru, ku wa Gatatu no ku Cyumweru”.

Mwiseneza Maxime, umutoza mukuru w’ikipe y’igihugu mu buryo bw’agateganyo

Uyu mutoza wungirijwe na Nkusi Aime Karim, yemeza ko iyi myitozo bagiye gutangira izarangirana na Gicurasi 2018 naho batangire umwiherero mu ntangiriro za Kamena 2018.

Uretse abakinnyi bahamagawe gutangira imyitozo, hagaragajwe n’abakinnyi bakina hanze y’igihugu barimo kwifuzwa ngo nabo bazaze gufatanya na bagenzi babo muri uru rugendo rwo gushaka itike y’igikombe k’Isi.

Aba ni ; Gasana Kenneth (Club Tanger-Moroc), Manzi Dan na Rwabigwi J.Paul Adonis (University of Texas Rio Grande Valley-USA), Twagirayezu Patrice (North Carolina-USA), Ruhezamihigo Hamza, Brad Cameron (Mississippi Gulf Coast College South Bend /Indiana-USA), Ndahiro Kevin (University Deland-USA), Sano Gasana, Kamili Sedu Yvan, Soukusouku, Nkusi Arnaud, Enock Kisa, Furaha Cadeaux De Dieu na Hakizimana.

Ishyirahamwe Nyarwanda ry’umukino wa Basketball “FERWABA”, bavuga ko abakina hanze bazaba bemeye kuza biteganyijwe ko bazagera mu ikipe y’igihugu tariki 30 Gicurasi 2018.

Ikipe y’igihugu iherereye mu itsinda rya kabiri “B”, kumwe n’ibihugu nka Nigeria, Mali na Uganda.

Abakinnyi 25 bakina imbere mu gihugu bahamagawe gutangira imyitozo barimo ; Mugabe Aristide, Sagamba Sedar, Ndizeye Dieudonne na Hagumintwali Steven (Patriots BBC), Nkurunziza Walter, Kaje Elie, Kubwimana Kazingufu Ali, Kami Kabange, Shyaka Olivier Nshobozwanumukiza J. J.Wilson na Nshizirungu Patrick (REG BBC), Ruzigande Ali, Iyakaremye Emmanuel, Munyaneza Eric, Mugiraneza Ruterana Fabrice na Ishimwe Parfait (APR BBC), Irutingabo Fiston, Ndoli Jean Paul, Nyamwasa Bruno, Mutabaruka Victor (IPRC-Kigali BBC), Niyonkuru Pascal na Kubanatubane Phillippe (Espoir BBC), Niyonsaba Bienvenu (IPRC-South BBC), Amani Deo na Muhizi Prince (UGB BBC).

TANGA IGITEKEREZO

Leave a Reply

Be the First to Comment!

avatar