17°C , Partly cloudy | Kigali-Rwanda

Banki y’Isi yageneye Afurika y’Iburasirazuba miriyoni 500 z’amadorari

Yanditswe na NYIRANEZA JUDITH

Ku ya 23-05-2020 saa 20:21:27
Aha ni muri Kenya, aho muri Gashyantare 2020, umuhinzi yari mu murima we wibasiwe n'inzige zirya imyaka hafi y'ahitwa Nanyuki (Foto REUTERS)

Banki y’Isi yarekuye amafaranga miriyoni 500 z’amadorari y’Amerika yo kurwanya inzige. Ayo mafaranga akaba azerekera muri Afurika y’Iburasirazuba yibasiwe n’inigwahabiri zirya imyaka kuko ako karere kugarijwe cyane bitewe n’uko zaje ziyongera ku bindi bihe bigoye, bikaba byatuma ako gace kagerwaho n’ibihe by’ibiza bitoroshye byibasira ikiremwa muntu.

Nk’uko bitangazwa n’umunyamakuru wa Radiyo mpuzamahanga y’u Bufaransa uri i Nairobi, Sébastien Németh, yifashishije umugani ugira uti ‘Ufite ibyago ntabura n’ibindi’ ufitanye isano n’akaga kari kuri Afurika y’Iburasirazuba muri uyu mwaka. Nyuma y’imvura idasanzwe, ako karere kibasiwe n’inigwahabiri zangiza imyaka mu myaka 70.

Amafaranga ya Banki y’Isi mu buryo butaziguye azahita ajya mu miryango, mu borozi, abahinzi ngo bagure ifumbire n’imbuto kimwe n’ingamba zo gukurikirana ibijyanye n’imari.

Cyril Ferrand ukora mu Ishami ry’Umuryango w’Abibumbye ryita ku buhinzi n’ibiribwa (FAO), yagize ati: “Ikihutirwa cyane ni ukuba hari amarumbo y’inigwahabiri akiyegeranya, bidasubirwaho bikaba bizabangamira ibijyane n’umutekano w’ibiribwa”.

Mu by’ukuri kubera imvura, ibihingwa birimo kumera nta kindi kibitegereje uretse kuribwa n’inigwahabiri. Imvura yahitanye abantu bagera mu majana, imyuzure, inkangu n’isenyuka ry’ibintu bitandukanye. Ikiyaga cya Victoria cyo amazi yacyo yarazamutse cyane bitigeze bibaho arenga inkombe z’aho yari asanzwe agera.

Ni ikibazo kigenda kigaruka kuko nk’ubu muri Kenya imvura nyinshi yatije umurindi icyorezo cya korera ku buryo ubu hari abarwayi bayo basaga 500.

Ibi byose muri ibi bihe by’icyorezo cya coronavorusi yagize ingaruka ku bukungu bwari busanzwe budakomeye bigasaba gufashwa.

Urugero nko muri Sudani y’Amajyepfo habaye ubwicanyi bushingiye ku moko mu mpera z’icyumweru gishize bugahitana abagera mu majana, Umuryango mpuzamahanga utabara imbabare ku Isi CICR ntiworohewe no kugira icyo wakora kubera amabwiriza ajyanye na Covid-19.

Ibyo byatewe n’ingorane mu bwikorezi, mu ngendo n’umubare muto w’ibitanda. Uwo muryango wateguje ko hashobora gupfa abandi kubera konk’inkomere zishobora kutavurwa.

Umwanditsi:

NYIRANEZA JUDITH

Tanga Igitekerezo

Email yanyu ntigaragazwa ku rubuga. Amazina na Email ni ngombwa.