19°C , Partly cloudy | Kigali-Rwanda
Musanase Laura uzwi nka Nikuze

Bamwe mu bazwi muri sinema nyarwanda bishimira urwego igezeho

Yanditswe na Nshim Janvier

Ku ya 11-10-2018 saa 17:51:36

Uko iminsi igenda isimburana ni ko sinema nyarwanda igenda itera imbere kuko abantu utagisanga bahugiye cyane mu kureba filimi z’inyamahanga nka mbere.

Musanase Laura uzwi muri sinema nyarwanda nka Nikuze yatangarije Imvaho Nshya ko yishimira uburyo abantu basigaye bakunda sinema nyarwanda.

Ati «Nishimira ko abantu basigaye bakunda filimi zacu bitandukanye na mbere »

Avuga kandi ko n’amafaranga yatangiye kubonekamo kuko niba akenewe kugira ngo akine muri filimi bamwishyura.

Ku rundi ruhande avuga ko ababazwa n’abantu bagifata filimi nyarwanda nk’ikinamico kandi ntaho bihuriye.

Yagize ati « Hari abumva ko filimi nyarwanda ari ikinamico kandi ntabwo ari ko bimeze ».

Intego ye muri uyu mwuga yatangiye mu 2016 avuga ko ari ukugera ku rwego rushimishije akanageza filimi nyarwanda ku rundi rwego ku buryo izarenga izo mu bihugu nka Nigeria ndetse na Tanzania bizwiho kugira filimi zikundwa.

Kwinjira muri uwo mwuga yavuze ko ari mugenzi we wamujyanyeyo ngo gusa yaje gukomeza kubikunda aza kugera ku rwego agezeho ubu. Filimi azwimo cyane n’iy’uruhererekane izwi nka City Maid.

Niyitegeka Gratien uzwi nka Sekaganda na we uzwi cyane muri sinema nyarwanda yavuze ko na we yishimira ko abantu mu Rwanda basigaye bakunda sinema nyarwanda.

Uyu muhanzi muri iyi minsi ukunzwe kuri filimi y’uruhererekane yise « Papa sava » ku rundi ruhande avuga ko ababazwa n’ukuntu mu Rwanda abantu bakunda ibihangano by’umuntu ariko kubigura kikaba ikibazo gikomeye.

Ati “Abenshi baba bashaka ko ibihangano tubibareha ubuntu”.

Musanase Laura uzwi nka Nikuze

Avuga ko atari yamenya impamvu abantu baba badashaka kwishyura.

Iyi filimi avuga ko yatekereje kuyikora mu rwego rwo gushyiraho umurongo we w’urubuga rwa www.youtube.com abantu bajya bamukurikiraho.

Mbere yo gutangira gushyira iyo filimi yitwa « Papa sava » avuga ko yabanje gucishaho ibintu yari asanzwe akora birimo imivugo ngo ari yaje gutekereza a ukuntu yakora ikintu yhariye akora iyo filimi yitwa « Papa Sava ».

Uretse kuba azwi kuri iyi filimi Niyitegeka Gratien bamwe bazi nka Sekaganda abandi nka Seburikoko na we azwi muri filimi y’uruhererekane ya City Maid kandi akina n’ikinamico.

TANGA IGITEKEREZO

Leave a Reply

Your email address will not be published. Required fields are marked *