21°C , Partly sunny | Kigali-Rwanda
Jose Chameleone wo muri Uganda

Bamwe mu bahanzi bakomeye muri Afurika

Yanditswe na NDAMYIROKOYE FRANÇOIS

Ku ya 08-01-2018 saa 11:14:26

Uko iminsi igenda isimburana ni ko muri rusange muzika yo muri Afurika igenda itera imbere ikagenda isatira iyo mu bihugu byakataje mu muziki nka Leta Zunze Ubumwe z’Amerika kimwe no mu bindi   bihugu by’u Burayi.

Kuba iyo muzika irimo gutera imbere hari abahanzi bakomeye, uyu mugabane umaze kugira.

Umuntu  ahereye ku bahanzi bo hambere bo muri Afurika bakunzwe cyane yahera kuri Angelique Kidjo wo muri Benin  uzwi ku ndirimbo zirimo iyitwa “ Agolo”, Youssou N’Dour wo muri Senegal uzwi ku ndirimbo zirimo iyitwa “ Yite”, Ismaël Lô wo muri  Senegal, Teddy Afro wo muri Ethiopia n’abandi.

Vanessa Mdee umuhanzikazi ukomoka muri Tanzaniya

Mu bahanzi umuntu yavuga bamenyekanye vuba  muri Afurika  harimo Wizkid, Tiwa Savage, Davido, Timaya, Yemi Alade, Iyanya, Korede Bello, Tekno, 2 Baba wahoze wiyita 2 Face Idibia,  na D’ Banj bose bakaba ari abo   muri Nigeria.

Tiwa Savage na we ukomoka muri Nigeria

Muri Nigeria kandi hariyo abandi bahanzi bakomeye kuko ubu iki gihugu kiyoboye umuziki w’Afurika. Kuri uru rutonde kandi rw’abahanzi bakomeye muri Afurika nta bwo umuntu yakwibagirwa  Sarkodie, Fuse ODG  nabo bo muri Ghana.

Fuse ODG na we ukomoka muri Ghana

Itsinda rya Mafikizolo ryo muri Afurika y’Epfo, Sauti Sol itsinda ryo muri Kenya, Diamond Platnmuz wo muri Tanzaniya, Vanessa Mdee wo muri Tanzaniya na Toofan itsinda ryo muri Togo nabo ni abahanzi bakomeye muri Afurika.

Sauti Sol itsinda ryo muri Kenya

Micasa itsinda ryo muri  Afurika y’Epfo, Jose Chameleone wo muri Uganda, Franko wo muri Cameroon aba nabo ni abahanzi  bakomeye muri Afurika.

Jose Chameleone wo muri Uganda

Umuvuduko kandi muzika nyarwanda ifite nta shiti ko mu gihe kizaza  abahanzi nyarwanda nabo bazaba bamaze kumenyekana no ku rwego rw’Afurika bakanaharenga.

Ibi bigaragazwa n’ukuntu buhoro buhoro umuziki nyarwanda no mu bindi bihugu urimo kugenda utangira gucurangwa.

Mu minsi yatambutse ubwo itsinda  rya Sauti Sol ryazaga mu Rwanda, Bien-Aimé umwe mu bagize iri tsinda yavuze ko iwabo muri Kenya hari indirimbo nyarwanda zicurangwa akaba ari ikintu kiza ku iterambere rya muzika nyarwanda.

 

 

TANGA IGITEKEREZO

Leave a Reply

Be the First to Comment!

avatar