Bamwe mu bahanzi bagiye bahindura amazina mu bihe bitandukanye

Yanditswe na Gisubizo Gentil M.

Ku ya 25-11-2019 saa 12:52:21
Yvan Buravan wifuza kwitwa YB Docteur Love

Mu kibuga k’imyidagaduro akenshi hari igihe kijya kigorana, ibi bigatuma bamwe mu bakigaragaramo bashobora gushaka amazina mashya bakoresha mu rwego rwo kuvugurura imikorere ndetse no guteza imbere ubucuruzi bayakoreshamo.

Mu muziki, abahanzi bahindura amazina bitewe n’impamvu zinyuranye, zirimo n’izo ababakurikira baba babifuzaho, gukoresha amazina yoroshye yanaborohereza kwaguka mu bucuruzi, kuyahindura bitewe n’uko bahinduye injyana, cyangwa se abandi bakiyitirira amazina babitewe n’impamvu runaka mbere cyangwa nyuma yo kwamamara.

Bamwe mu bahanzi bahinduye amazina yabo bakoresha muri muzika, baba Abanyarwanda ndetse n’abandi.

Yvan Buravan

Mu kwezi gushize k’Ukwakira, Yvan Buravan yatangaje ko ashaka ko abantu baba baretse kumwita amazina bari basanzwe bamuziho ya “Yvan Buravan” ahubwo bakamwita “YB Docteur Love”.

Ibi byaje kwemezwa n’indirimbo nshya uyu muhanzi wanegukanye ‘Prix Decouvertes 2018’ aherutse gushyira hanze, aho itangira umwana avuga aya mazina mashya y’uyu muhanzi.

Makonikoshwa

Mu mwaka wa 2017, umuhanzi nyarwanda Makonikoshwa nyuma yo gukiruka no kumara igihe adashyira ahagaragara igihangano gishya hanze, yahinduye izina yiyita “Old Golden”ashimangira ko adateze kongera gutererana abafana be.

Kanye West

Uyu muraperi w’umunyamerika Kanye West uherutse kwinjira mu muziki wa guhimbaza Imana, yahinduye izina yiyita ‘Christian Genius Billionaire Kanye West’.

Kanye West yahinduye aya mazina mu rwego rwo kugira ngo abafana be barusheho kumwumva neza, nyuma y’uko abamukurikira ku mbuga nkoranyambaga bari bakunze kugaragaza ko bafite imbogamizi zo kwizera ibyavugwaga ko ubu yagiye mu zihimbaza Imana.

Kanye West uherutse kwinjira mu muziki wa gospel, yahinduye izina yiyita ‘Christian Genius Billionaire Kanye West’

Snoop Dogg

Snoop Dogg ni umuraperi ukomoka na we muri Leta Zunze Ubumwe za Amerika, aho yumvikanye cyane kuva mu 1992.

Uyu mugabo na we yaje guhindura amazina mu 2012, yiyita akazina gashya ka ‘Snoop Lion’ nyuma yo guhindura imyemerere ye akajya muri Rastafarianism.

  1. Diddy

Ubusanzwe amazina ya P.Diddy ni Sean John Combs, uyu ni umwe mu bantu bake bakunze guhindagura amazina yabo inshuro nyinshi.

Guhera ku izina ryamenyekanye nka Puff Daddy mu myaka ya za 90, akaza ndetse kurihinduriramo ‘Puffy’,  P Diddy nyuma akaza kwiha akabanga yiyita ‘Diddy’ mu 2005.

Ariko mu mwaka wa 2013 yaje kongera kwisubiza izina yari yariyambuye nta mpamvu. P. Diddy

Kuri ubu Diddy ari mu mishinga yo guhindura izina rye mu buryo bwemewe n’amategeko, akava kuri Sean Combs akajya kuri ‘Sean Love Combs’.

Kuri ubu Diddy ari mu mishinga yo guhindura izina rye mu buryo bwemewe n’amategeko, akava kuri Sean Combs akajya kuri ‘Sean Love Combs’

Jennifer Lopez

Uyu muhanzikazi yamenyekanyemo cyane mu ndirimbo yise ‘Jenny from the block’ yakoze mu myaka icumi ishize, yaje guhindura amazina ye ava kuri Jennifer Lopez yiyita ‘J.Lo’ mu 2001 izina yakunze kuvuga ko yarihawe n’abafana.

Iri zina Jennifer yavugaga ko yakundaga cyane uburyo abafana be ndetse n’abana barisomaga nka J.Lo, ubundi riza gufata gutyo.

J.Lo izina Lopez avuga ko yahawe n’abafana

JAY-Z

JAY-Z yatangiye umuziki akora rap, cyane cyane akayikoresha ari amagambo gusa ibi bakunze kwita freestyle, icyo gihe yarazwi nka ‘Jazzy’.

Nyuma nibwo yaje kwiyita JAY-Z nk’izina rishya agomba kujya akoresha mu muziki we, arikuye ku muntu w’ikitegererezo we witwaga ‘Jaz-O’.

Iyo bigeze mu myandikire y’iri zina ry’uyu muraperi, gukoresha utumenyetso ni ngombwa cyane kandi rikandikwa mu nyuguti nkuru JAY-Z.

Umwanditsi:

Gisubizo Gentil M.

Tanga Igitekerezo

Email yanyu ntigaragazwa ku rubuga. Amazina na Email ni ngombwa.