17°C , Partly cloudy with thunderstorms | Kigali-Rwanda
Aba ni bamwe mu bagize itsinda rya Sauti Sol barimo Baraza (Ibumoso) na Otieno (Uwa mbere uvuye iburyo)

Bamwe mu bagize Sauti Sol bavuze ku muzika nyarwanda

Yanditswe na admin

Ku ya 03-01-2018 saa 10:18:13

Bien-Aimé Baraza na Polycarp Otieno babarizwa mu itsinda rya Sauti Sol ryo muri Kenya  bahamije ko umuziki nyarwanda mu myaka izaza uzagera ku rwego rwiza.

Baraza yavuze ko afata umwanya akumva indirimbo z’abahanzi nyarwanda barimo King James, Buravan,  Charly na Nina, The Ben  na Meddy akumva ari abahanzi bashoboye cyane.

Aba ni bamwe mu bagize itsinda rya Sauti Sol barimo Baraza (Ibumoso) na Otieno (Uwa mbere uvuye iburyo)

Yavuze kandi  ko umuzika nyarwanda utarimo gukoreshwamo ikizwi nka «Auto-Tune» aho bahindura ijwi ukundi hakoreshejwe mudasobwa.

Yagize ati  «Ni ikibazo cy’igihe mpamya ko mu myaka izaza umuzika nyarwanda uzagera ku rwego rwiza cyane».

Iwabo muri Kenya kandi yavuze ko asigaye yumva indirimbo zo mu Rwanda bazicuranga. Aha yatanze urugero rw’indirimbo « Habibi » ya  The Ben.

Otieno na we mu bahanzi bashoboye b’abanyarwanda yavuze harimo Neza DasongBird  ukorera  umuziki we muri Nigeria ariko akaba ari Umunyarwandakazi unaheruka gutaramira mu Rwanda.

Umuhanzi Bien-Aimé Baraza yavuze  kandi ko indirimbo barimo gukorana na Mani Martin, umuhanzi bemeye ubuhanga bwe irimo gukorerwa amashusho.

Ibi aba bahanzi babitangaje mu kiganiro bagiranye n’itangazamakuru i Kigali ku ya 30 Ukuboza 2017.

NDAMYIROKOYE FRANÇOIS

TANGA IGITEKEREZO

Leave a Reply

Be the First to Comment!

avatar