23°C , Mostly cloudy | Kigali-Rwanda
Iyi ni yo foto Marina yaraye ashyize kuri Instagram, ikurikirwa n'amagambo atandukanye y'ibitekerezo by'abamukurikira, harimo no gutukana hagati ya 'manager' we Bad Rama n'umufana

Bad Rama yatukanye ku karubanda n’umufana wamushinje guheheta Queen Cha

Yanditswe na Imvaho Nshya

Ku ya 29-11-2018 saa 16:04:07

Ifoto Marina yashyize kuri Instagram ararikira abamukurikira kumva indirimbo ye nshya yise Log Out yakurikiwe n’amagambo arimo kwandagazanya hagati y’umujyanama we n’umufana.

Iyo foto igaragaraho Marina na Safi bahuriye muri label imwe ya The Mane, bayifotoje bicaye ahantu heza mu ntebe, iherekejwe yifuriza ijoro ryiza abantu anabasaba kumva indirimbo ye.

Iyi ni yo foto Marina yaraye ashyize kuri Instagram, ikurikirwa n’amagambo atandukanye y’ibitekerezo by’abamukurikira, harimo no gutukana hagati ya ‘manager’ we Bad Rama n’umufana

Ibyari ukwamamaza indirimbo byaje gukurwa mu murongo n’uwitwa Rash Trump Aveiro, wazanyemo umugore wa Safi, Niyonizera Judith, akavuga ko Safi amusahura amafaranga akajya kuyidagaduranamo na Marina.

Uyu musore yavuze ko Safi afata ‘cash’ za Judith akazisangira na Marina, akabeshya Judith ko yagiye mu kazi, asoza avuga ko Queen Cha we ahehetwa na Bad Rama.

Uyu mugabo Bad Rama uyobora label ikoreramo Safi, Marina na Queen Cha, ayo magambo yamurakaje bikomeye, atura umujinya Rash Trump mu magambo arimo ibitutsi.

Bad Rama yabwiye Rush Trump ko Judith atasamye nk’uko abyibwira, ko ahubwo uwasamye ari Rush, ibintu byanenzwe na bamwe bavuga ko umusitari adakwiye gutukana ku karubanda.

Bad Rama yagize ati, “Ni wowe wasamye uvuga ubusa, mwagiye muvuga ibibareba? Ubu se urabona muri abo bose urusha nde ubwenge?”

Aya magambo ya Bad Rama yakurikiwe n’igitekerezo cy’uwitwa Shema, wamubwiye ko nk’umuntu w’icyamamare adakwiye kwiteza abantu atukana kuri bose babireba.

Yamubwiye ati, “Ntugatukane hano kandi uri umusitari, jya utandukana na ba Ama G birirwa batukana n’abafana kuri Instagram, ujye umenya uwo uri we, ntibyabura kuvugwa ku muntu nkawe.”

Nyuma ya Shema haje undi witwa Cedrick Munezero, asa n’uwumvikanisha ko ibyo Bad Rama avugwaho ari ukuri, ko na we kera hari ubwo yahakanaga ibyamuvugwagaho yikura mu isoni.

Ati, “Nanjye kera iyo nabaga namwaye naravugaga ngo mwagiye muvuga ibibareba.”

Ibyo kuba yaba afitanye umubano wihariye n’abahanzikazi abereye umujyanama, Bad Rama si ubwa mbere abivuzweho, ariko yaba we ndetse na bo, nta gihe batabyamaganiye kure.

Bad Rama yakunze gushimangira ko aba bakobwa (Queen Cha na Marina) ahuzwa na bo n’umuziki nk’umujyana wabo, ko ibyo bindi bivugwaho bitigeze bibaho na rimwe.

Bad Rama mu bihe bitandukanye yavuze ko ibimuvugwaho hamwe n’abo bakobwa ari ibihuha byambaye ubusa, agasaba ababyumva kubirenza ingohe.

Kanda hano ubashe kureba ibindi bitekerezo byose byashyizwe kuri iyi foto ya Marina na Safi yavugishije abantu menshi.

TANGA IGITEKEREZO

Leave a Reply

Your email address will not be published. Required fields are marked *