26°C , Partly sunny | Kigali-Rwanda
Uyu yambaye imwe mu myambaro bakora

Azakorana n’abanyamideri mu kumenyekanisha imyambaro bakora

Yanditswe na NDAMYIROKOYE FRANÇOIS

Ku ya 07-05-2018 saa 09:13:18

Mugabushaka Jacqueline watangije mu Rwanda igikorwa cyo gukora imyambaro itandukanye  mu rwego rwo kurushaho gushyigikira igikorwa k’ibikorerwa mu Rwanda yavuze ko arimo gutegura kuzakorana n’abanyamideli batandukanye bakora ibitaramo “Fashion shows” mu rwego rwo kurushaho kumenyekanisha ibyo bakora.

Uyu yambaye imwe mu myambaro bakora

Muri Nyakanga 2018 yavuze ko  bateganya kuzakora igitaramo cyo kumurika iyo myambaro ngo kandi no mu birori bizwi nka Kigali Fashion Week bibera i Kigali buri mwaka naho bazerekaniramo iyo myambaro.

Hagati aho yavuze ko bakomeje ibiganiro n’abanyamideli batandukanye bazabafasha muri icyo gikorwa cyo kumurika imyambaro bakora. Yagize ati Twiyemeje kuzakorana n’abanyamideli batandukanye mu rwego rwo kurushaho kumenyekanisha ibyo dukora”.

Ku rundi ruhande kandi yavuze  ko  ashaka  ko imyambaro bakora izabasha no kuzajya ihatana ku rwego mpuzamahanga ngo  kandi  iyo myambaro ikoze mu buryo bunyuranye butari ubwo mu bitenge gusa nkuko hari abishyiramo  ko ibitege ari byo bikoreshwa gusa muri Afurika mu gukora imyenda.

Mu gukora imyambaro bakora inyuranye yavuze ko bafite ibikoresho bihagije.  Ibitambaro bakoresha yavuze ko bituruka mu Bubiligi, mu Budage n’u Buholandi ngo ariko ntibibabuza gukoresha n’ibikoresho biboneka ku masoko yo mu Rwanda n’ahandi.

Mu ntangiro z’umwaka wa 2018 yavuze ko ari bwo batangije uruganda rukora iyo myambaro rukorera mu Mujyi wa Kigali. Imyambaro kandi bakora yavuze ko iba ikoze ku bipimo biri ku rwego mpuzamahanga. Uruganda rutunganya iyo myambaro bashinze  rwitwa “Cretos Productions».

TANGA IGITEKEREZO

Leave a Reply

Be the First to Comment!

avatar