Athletisme: Hakizimana yongeye kwegukana  “Rwamagana Marathon Challenge 2020”

Yanditswe na BUGINGO FIDELE

Ku ya 16-02-2020 saa 18:50:11
Hakizimana John (hagati) wegukanye Rwamagana Marathon Challenge 2020 (Foto Bugingo F)

Marato (42 km)
Abagabo
1. Hakizimana John 2h19’10”
2. Rutayisire Thomas 2h28’43”
3. Habakurama Frederick 02h29’23”
Abagore
1. Mukasakindi 3h11’05”
2. Musabyimana Agnes 3h18”07”
3. Nyirarangwa 3h48”18”
Igice cya Marato (21 km)
Abagabo
1. Nimubona Yves 01h07’01”
2. Mutabazi Emmanuel 01h07’03”
3. Dushimirimana 01h07’36”
Abagore
1. Yankurije Martha 01h15’18”
2. Musabyeyezu 01h16’50”
3. Nyiranizeyimana 01h19’50”

Hakizimana John ukinira ikipe ya APR y’imikino ngororamubiri  ni we wegukanye isiganwa ritegurwa n’Akarere ka Rwamagana “Rwamagana Marathon Challenge 2020” akaba ari inshuro ya 3 ayegukanye  ndetse akaba ari ubwa kabiri yikurikiranya kuko n’umwaka ushize wa 2019 ari  we wari wegukanye iri siganwa.

Iri siganwa ritegurwa n’Akarere ka Rwamagana ku bufatanye n’ishyirahamwe ry’imikino ngororamubiri mu Rwanda “RAF” n’abaterankunga batandukanye  ryabaye tariki 16 Gashyantare 2020 ryitabiriwe n’abagera ku 2212.

Muri Marato (42 km) mu bagabo, Hakizimana John yegukanye umwanya wa mbere akoresheje amasaha 2, iminota 19 n’amasegonda 10. Yakurikiwe na Rutayisire Thomas (2h28’43”) na Habakurama Frederick (02h29’23”).

Mu bagore uwa mbere yabaye Mukasakindi Claudette wakoresheje amasaha 3, iminota 11 n’amasegonda 05 akurikirwa na  Musabyimana Agnes (3h18”07”) naho ku mwanya wa 3 haza Nyirarangwa Mediatrice (3h48”18”) wegukanye iri rushanwa umwaka ushize wa 2019. Muri iki kiciro, uwa mbere yahembwe ibihumbi 150, uwa kabiri 90 uwa 3 ahabwa 70.

Hakizimana John nyuma yo kwegukana iri siganwa yavuze ko nta kibazo yahuye nacyo  kandi yari yiteguye  kwitwara neza. Yakomeje avuga ko abakinnyi bahanganye bari bakomeye kandi basanzwe bakina amarushanwa akomeye.

Mu gice  cya Marato (21 km) mu bagabo, uwa mbere yabaye Nimubona Yves   ukinira APR   wakoresheje isaha 1, iminota 7 n’isegonda 1 akaba  yisubije iri rushanwa  kuko ari we waryegukanye umwaka ushize wa 2019. Yakurikiwe na Mutabazi Emmanuel (01h07’03”) na Dushimirimana Gilbert  (01h07’36”).

Mu bagore, Yankurije Martha yongeye kwegukana iri siganwa akoresheje isaha 1, iminota 15n’amasegonda 18, yakurikiwe na Musabyeyezu  Adeline (01h16’50”) na Nyiranizeyimana Clementine (01h19’50”). Muri iki kiciro uwa mbere yahembwe ibihumbi 100, uwa kabiri ahabwa 70 naho uwa 3 ahabwa 50.

Mu basiganwa kirometero 10, mu bahungu uwa mbere yabaye Bakunzi Aime akurikirwa na Umuhire Jean Paul ndetse na Niwemugabo Ramadhan. Mu bakobwa  uwa mbere ni Mutuyimana Epiphanie akurikirwa  na Niyigena Martha naho uwa gatatu aba Uwitonze Claire. Muri iki kiciro uwa mbere yahembwe ibihumbi 50 uwa kabiri 40 naho uwa 3 ahabwa 30.

Abakiri bato  birutse mu bahungu uwa mbere yabaye  Nshimiyumuremyi Eric akurikirwa na Turikumana Elie ndetse na Iradukunda Jimmy. Mu bakobwa uwa mbere yabaye Mudahogora Mediatrice akurikirwa na Mutuyimana Giselle na Iryivuze Chance.  Uwa mbere yahembwe ibihumbi 12, uwa kabiri ahabwa 8 uwa gatatu ahabwa 5.

Perezida w’ishyirahamwe ry’imikino ngororamubiri mu Rwanda “RAF”, Mubilgi Fidele yavuze ko irushanwa ryagenze neza kandi  buri mwaka hari ikiyongeramo. Ati: “Mwabonye ko abitabiriye biyongereye, abafatanyabikorwa ndetse mwabonye n’abana bato.”

Iri siganwa ryari ribaye ku nshuro ya 6  ryateguwe ku bufatanye bw’inzego zitandukanye  zirimo Akarere ka Rwamagana n’Intara y’Iburasirazuba, Minisiteri ya Siporo, RAF, MSAADA, Jibu, SFH, Agrotech, AEE, Polisi y’igihugu, AVEGA, Dereva Hotel , Croix Rouge na  IntraHealth.

Uko byari byifashe mu mafoto 

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.