AS Kigali yatomboye  CS Sfaxien yo muri Tunizia mu mikino y’Afurika

Yanditswe na BUGINGO FIDELE

Ku ya 08-01-2021 saa 18:55:05
AS Kigali izakina na CS Sfaxien yo muri Tunizia

Taliki 14-02-2021

CS Sfaxien-AS Kigali (Sfax)

Taliki 21-02-2021

AS Kigali- CS Sfaxien (Kigali)

Ikipe ya AS Kigali nyuma yo gusezerera KCCA FC yo muri Uganda izahura n’ikipe ya CS Sfaxien yo muri Tunizia mu kiciro cya gatatu  cy’imikino y’amajonjora y’ irushanwa ry’Afurika  ry’amakipe yitwaye neza iwayo “Total CAF Confederation Cup 2020-2021”.

Kuri uyu wa Gatanu taliki 08 Mutarama 2021 ni bwo habaye tombola y’uko amakipe azahura maze AS Kigali itombola   CS Sfaxien ifite iki gikombe inshuro 3 (2007,2008 na 2013).

Umukino ubanza uzabera muri Tunizia mu mujyi wa Sfax aho iyi kipe ibarizwa taliki 14 Gashyantare 2021 naho umukino wo kwishyura ubere i Kigali  taliki 21 Gashyantare 2021. Ikipe izitwara neza izahita ijya  mu matsinda.

Ikipe ya AS Kigali yageze muri iki cyiciro  nyuma yo gusezerera ikipe ya Orapa United yo muri Botswana mu cyiciro cya mbere ndetse na KCCA FC yo muri Uganda mu cyiciro cya kabiri. Ikipe ya CS Sfaxien yo  ikaba yaraviriyemo mu cyiciro cya kabiri mu mikino y’Afurika y’amakipe yatwaye ibikombe iwayo “Total CAF Champions League 2020-2021” itsinzwe  na  MC Alger yo muri Algeria ku bitego 2-1 ihita ikomereza mu irushanwa ry’Afurika  ry’amakipe yitwaye neza iwayo “Total CAF Confederation Cup 2020-2021” nk’uko bisanzwe bigenda ku makipe aviriyemo hariya.

Ikipe ya CS Sfaxien

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.