22°C , Partly sunny | Kigali-Rwanda

AS Kigali yasezerewe na CS Sfaxien mu mikino y’Afurika

Yanditswe na BUGINGO FIDELE

Ku ya 20-02-2021 saa 21:59:47

 AS Kigali 1-1 CS Sfaxien (2-5)

Ikipe ya AS Kigali  yanganyije na  CS Sfaxien yo muri Tunizia igitego 1-1 mu mukino wo kwishyura mu mikino y’amajonjora  mu irushanwa ry’Afurika  ry’amakipe yitwaye neza iwayo “Total CAF Confederation Cup 2020-2021” bituma  iyi kipe ihita isezererwa.

Muri uyu mukino wabereye kuri Sitade ya Kigali i Nyamirambo  kuri uyu wa Gatandatu taliki 20 Gashyantare 2021, ikipe ya AS Kigali yari yatsindiwe muri Tunizia ibitego 4-1 yasabwaga gutsinda ibitego 3-0 kugira ngo ikomeze mu matsinda. Uyu mukino ariko warangiye izi kipe zombi zinganyije igitego 1-1.

Igitego cya AS Kigali cyabonetse ku munota wa 44 gitsinzwe na Aboubakar Lawal  naho  ku munota wa 61, CS Sfaxien yishyura iki gitego gitsinzwe na Firas Chaouat.

Ikipe ya  CS Sfaxien  yahise ikomeza mu matsinda ku bitego 5-2 mu mikino yombi. Biteganyijwe ko indi mikino yo izaba kuri iki Cyumweru taliki 21 Gashyantare 2021 ari bwo hazamenyekana amakipe yose azakina  imikino yo mu matsinda.

Iyi kipe  ya CS Sfaxien ifite amateka akomeye muri iri rushanwa kuko yegukanye iki gikombe inshuro 3 (2007, 2008 na 2013).

Ikipe ya AS Kigali yabanjemo

CS Sfaxien yakomeje mu matsinda y’imikino y’Afurika

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.