22°C , Partly sunny | Kigali-Rwanda

AS Kigali  igiye kwakira CS Sfaxien mu mukino  wo kwishyura

Yanditswe na BUGINGO FIDELE

Ku ya 19-02-2021 saa 22:19:55
AS Kigali irasabwa gutsinda CS Sfaxien ibitego 3-0 kugira ngo ikomeze mu matsinda

Taliki 20-02-2021

AS Kigali- CS Sfaxien (Nyamirambo-15h00)

Kuri uyu wa Gatandatu taliki 20 Gashyantare 2021, ikipe ya AS Kigali irakina na  CS Sfaxien yo muri Tunizia  umukino wo kwishyura  mu mikino y’amajonjora  mu irushanwa ry’Afurika  ry’amakipe yitwaye neza iwayo “Total CAF Confederation Cup 2020-2021”.

Uyu mukino biteganyijwe ko ubera kuri Sitade ya Kigali i Nyamirambo  hubahirizwa amabwiriza yo kwirinda COVID-19  aho  nta bafana bemerewe kwitabira.

Nyuma y’umukino ubanza wabereye muri Tunizia aho CS Sfaxien yatsinze AS Kigali ibitego 4-1, iyi kipe ya AS Kigali  kugira ngo ikomeze mu  matsinda irasabwa gutsinda CS Sfaxien ibitego 3-0.

Ikipe ya AS Kigali irakina uyu mukino idafite Hakizimana Muhadjiri  wabonye ikarita y’umutuku mu mukino ubanza ndetse na Kalisa Rachid utarakinnye n’umukino ubanza kubera imvune.

Umwanditsi:

BUGINGO FIDELE

One Comment on “AS Kigali  igiye kwakira CS Sfaxien mu mukino  wo kwishyura”

Tanga Igitekerezo

Email yanyu ntigaragazwa ku rubuga. Amazina na Email ni ngombwa.