17°C , Mostly cloudy | Kigali-Rwanda
APR FC ni yo ikomeje kuyobora urutonde rwa shampiyona by'agateganyo

APR FC yatsinze Police FC  ikomeza kuyobora urutonde rwa shampiyona

Yanditswe na BUGINGO FIDELE

Ku ya 20-01-2019 saa 21:55:20

Kiyovu 2-1 Musanze FC

AS Muhanga 1-2 Espoir FC

Marines FC 0-2 Rayon Sports

AS Kigali 1-0 Amagaju FC

Kirehe FC 1-1 Bugesera FC

APR FC 2-0 Police FC

Etincelles FC 0-1 Sunrise FC

Kuva tariki 18 kugeza 20 Mutarama 2019 habaye imikino y’umunsi wa 15 ari nayo isoza imikino ibanza ya shampiyona y’ikiciro cya mbere  mu mupira w’amaguru mu bagabo. Nyuma y’iyi  mikino, ikipe ya APR FC inafite igikombe cya shampiyona giheruka ni  yo iyoboye urutonde n’amanota 35.

Iyi kipe yagumye kuri uyu mwanya nyuma yo kwitwara neza  igatsinda ikipe ya Police FC ibitego 2-0 byatsinzwe na Hakizimana Muhadjiri na Sugira Ernest.

Ikipe ya APR FC ikaba yaherukaga gutsinda Police FC muri shampiyona ya 2015-2016 ubundi izi kipe zikaba zari zikunze kunganya.

Mu yindi mikino y’umunsi wa 15 yabaye, Kiyovu yatsinze Musanze FC ibitego  2-1, AS Muhanga itsindwa  na Espoir FC ibitego 2-1,  Rayon Sports itsindira Marines FC i Rubavu ibitego 2-0, AS Kigali itsinda  Amagaju FC igitego 1-0, Kirehe FC  inganya na Bugesera FC igitego 1-1  naho  Etincelles FC itsindirwa mu rugo na  Sunrise FC igitego 1-0.

Amwe makipe yasoje imikino ibanza uretse izifitanye imikino na APR FC na Mukura zagize imikino y’ibirarane kubera kwitabira imikino y’Afurika. APR FC igomba gukina na Sunrise FC mu gihe Mukura izakina na Police FC, Musanze, Amagaju FC, Gicumbi FC na Etincelles FC.

Nyuma y’imikino y’umunsi wa 15, APR FC irayoboye n’amanota 35 ikurikiwe na Rayon Sports n’amanota 31, ku mwanya wa 3 hari Mukura n’amanota 26 n’imikino 5 y’ibirarane, Kiyovu (26), Sunrise FC (22), AS Kigali (21), Police FC (21), Espoir FC (20), Muhanga (19), Bugesera FC (18), Etincelles FC (15), Marines FC (15), Musanze FC, Kirehe FC na Gicumbi FC (12) naho Amagaju FC ni  iya nyuma ya 16 n’amanota 8.

Imikino ya shampiyona yo kwishyura izasubukurwa tariki 18 Gashyantare 2019  hakinwa imikino y’umunsi wa 16.

APR FC ni yo ikomeje kuyobora urutonde rwa shampiyona by’agateganyo

 

TANGA IGITEKEREZO

Leave a Reply

Your email address will not be published. Required fields are marked *