Amashusho y’indirimbo nshya ya King James yasohotse

Ruhumuriza James uzwi nka King  James  yasohoye amashusho y’indirimbo ye nshya yitwa “Abo bose”.

Mu mashusho y’iyo ndirimbo King James agaragara ari ahantu hatandukanye harimo mu bwato ari kumwe na bamwe mu bamufashije mu ikorwa ry’ayo mashusho.

Ruhumuriza James uzwi nka King James

Muri ayo mashusho kandi hagaragaramo umugabo ahemukira undi amutwara umukunzi we dore ko King James muri iyo ndirimbo aririmba ku bantu bashukisha abakobwa cyangwa abagore ibintu  bakabatwara abakunzi babo.

Umuhanzi King James ari mu  bahanzi batsindiye  igihembo cya Primus Guma Guma Super Star  kandi azwi ku ndirimbo nyinshi zirimo iyitwa “Hari ukuntu”, “Nyuma yawe”, “Birandenga”, “Ndagukunda” kandi afite n’izindi zitandukanye.