Advertisement
 
 
 
 
 
 
 
 

Amakuru | Mu Rwanda

Urukiko rwemeje ko umwami Kigeli V Ndahindurwa azatabarizwa mu Rwanda   

  Yanditswe na IMVAHO NSHYA
 2 months ago

 
 

Urukiko rwo muri Leta ya Virginia, muri Leta Zunze Ubumwe za Amerika rwemeje ko umugogo w’umwami Kigeli wa gatanu Ndahindurwa uzatabarizwa i Mwima ya Nyanza aho yimikiwe mu Rwanda.

Uwo mwanzuro umucamanza yawufashe nyuma y’iminsi ibiri yumva ubuhamya bw’abagize umuryango w’umwami bafashe icyemezo cyo kwitabaza inkiko, nyuma yuko bananiwe kumvikana aho umugogo w’umwami watabarizwa.

Muri bo hagaragaye abari bashyigikiye ko umugogo w’umwami utabarizwa mu Rwanda n’abatabishyigikiye bifuza ko yatabarizwa mu mahanga.

Impaka muri urwo rubanza ahanini zavutse nyuma yuko nta kimenyetso na kimwe umwami yasize cyangwa urwandiko rugaragaza aho yifuzaga ko yatabarizwa.

JPEG - 87.3 kb
Kigeli V Ndahindurwa

Radiyo Ijwi rya Amerika dukesha iyi nkuru ivuga ko umunsi wa mbere w’urubanza wahariwe ahanini kumviriza abashyigikiye ko umugogo w’umwami wazatabarizwa mu Rwanda.

Bafashijwe n’ababunganira bose bashimangiye ko icyifuzo cy’umwami cyari uko umunsi umwe yazataha mu gihugu cyamwibarutse.

Basobanuriye urukiko ko, kuba umwami atarigeze afata ubundi bwenegihugu ari ikimenyetso simusiga ko yakundaga igihugu cye, ko byaba byiza ari naho atabarijwe.

Christine Mukabayojo, Kigeli abereye se wabo, yasabye urukiko guha agaciro icyifuzo cya nyirasenge Speciosa Mukabayojo, wasabye ko musaza we yatabarizwa mu Rwanda.

Christine yabwiye urukiko ko Speciosa ari we wenyine usigaye mu bavukanaga n’umwami Kigeli.

Uruhande rwabifuza ko Kigeli yatabarizwa mu mahanga rwo rwasabye urukiko kudaha agaciro icyo cyifuzo bagaragaza ko kuba umwami yaratanze hashyize imyaka 55 atarakandagiza ikirenge mu gihugu cye, ari ikimenyetso cy’uko atari yiteguye gutaha mu Rwanda.

Bagaragaje ko umwami yasabwe kenshi gutaha ariko agashimangira ko atiteguye gusubira mu Rwanda nk’umuntu usanzwe ko ahubwo agomba gutahana icyubahiro cy’umwami.

Emmanuel Bushayija, umwami Kigeli abereye se wabo, yabwiye urukiko ko kuba u Rwanda rutarigeze rwifuza ko umwami ataha nk’umwami ari impamvu ihagije yo gutuma adasubizwa mu Rwanda nyuma yo gutanga.

Nyuma yo kumviriza impande zombi, umucamanza yahaye agaciro icyifuzo cy’abagaragaje ubusabe bwa mushiki w’umwami kuko ari we ufitanye isano ya hafi cyane n’umwami Kigeli.

Umucamanza yahise ategeka ko umugogo umwami bawurekura ukoherezwa mu Rwanda.

Christine Mukabayojo, wari uhagarariye nyirasenge yabwiye Ijwi ry’Amerika ko bashimishijwe cyane n’icyo cyemezo cy’urukiko. Yavuze ko bagiye gutangira gahunda zo gutahana umugogo w’umwami byihutirwa.

Uruhande rw’abifuzaga ko umwami atabarizwa muri Amerika bo ntibifuje kugira icyo batangaza.

Boniface Benzinge wabaye umukarani w’umwami yabwiye Ijwi ry’Amerika ko ntacyo yavuga arisaba kuvugana n’umwunganira.

Pasiteri Ezra Mpyisi, wabanye n’umwami Kigeli yabwiye Ijwi ry’Amerika ko agiye kugerageza guhuza abavandimwe bari bamaze gucikamo ibice.

Yagize ati “Ngomba kwicarana n’umuryango w’Abahindiro nkabasaba kwicarana bagakura umuvumo uri mu muryango wabo.”

Kigeli V Ndahindurwa yategetse u Rwanda kuva mu kwezi kwa karindwi 1959 kugera ahiritswe ku butegetsi mu kwezi kwa mbere umwaka 1961. Yatanze tariki ya 16 y’ukwezi kwa cumi umwaka w’2016.

 

Comments

 
 
Imishinga y’ikoranabuhanga igamije iterambere ry’abagore yahembwe
Imishinga y’ikoranabuhanga igamije iterambere ry’abagore yahembwe

Umuryango DOT Rwanda wahembye imishinga y’ikoranabuhanga rigamije guteza imbere imibereho y’abagore, muri gahunda yo kwizihiza umunsi mpuzamahanga w’umugore, wizihizwa tariki ya 8 Werurwe buri (...)

Umukobwa aterwa  inda agacibwa, umuhungu wayiteye agashimwa - Min. Nyirasafari
Umukobwa aterwa inda agacibwa, umuhungu wayiteye agashimwa - Min. Nyirasafari

Minisitiri w’Uburinganire n’Iterambere ry’Umuryango, Nyirasafari Esperance, arasaba ko imyumvire y’uko umukobwa aterwa inda akagirwa igicibwa mu muryango mu gihe umuhungu wayiteye we abishimirwa (...)

Ingabo z’u Rwanda zarangije gusimburana mu butumwa bw’amahoro muri Centrafrique
Ingabo z’u Rwanda zarangije gusimburana mu butumwa bw’amahoro muri Centrafrique

Ingabo z’u Rwanda zasoje igikorwa cyo gusimbuza abasirikare bari mu butumwa bw’amahoro muri Santarafurika zatangiye ku itariki 28 Gashyantare 2017. Batayo ya 13 y’Ingabo z’u Rwanda yasimbuye iy’ 101 (...)

Musanze: Batandatu bafungiwe kwiba ibikoresho by’amashanyarazi
Musanze: Batandatu bafungiwe kwiba ibikoresho by’amashanyarazi

Abagabo batandatu bafungiwe kuri Sitasiyo ya Polisi y’u Rwanda ya Muhoza mu karere ka Musanze nyuma yo gufatanwa ibikoresho bitandukanye by’amashanyarazi bibye mu minsi ishize. Umuvugizi wa (...)

Gisagara:Abaturage bahamya ko gutwikira ibiyobyabwenge mu ruhame bibasigira isomo
Gisagara:Abaturage bahamya ko gutwikira ibiyobyabwenge mu ruhame bibasigira isomo

Abaturage bo mu murenge wa Ndora mu karere ka Gisagara mu ntara y’Amajyepfo, batangaza ko kuba ubuyobozi bufata umwanya wo kubigisha ku bubi bw’ibiyobyabwenge ndetse bagafatanya kubimena no (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.