Advertisement
 
 
 
 
 
 
 
 

Amakuru | Mu Rwanda

Umushyikirano 14: Hazigwa ku guha u Rwanda isura Abanyarwanda bakeneye   

  Yanditswe na TWAGIRA WILSON
 3 months ago

 
 

Ku itariki 15 na 16 Ukuboza 2016, ku nshuro ya 14 hazaba Inama y’Igihugu y’Umushyikirano izahuza abayobozi bose kuva kuri Perezida wa Repubulika kugera ku bayobozi b’inzego z’ibanze, abikorera, Diaspora, imiryango itegamiye kuri Leta n’abandi bantu banyuranye.

Iyi nama izagaruka cyane ku nsanganyamatsiko igira iti “Shaping Together the Rwanda we Want’’ bisobanura ngo “Guha isura nyayo u Rwanda dukeneye.”
Minisiteri y’Ububanyi n’Amahanga yatangaje ko inama y’igihugu yumushyikirano isanzwe iba buri mwaka izabera i Kigali.

Bamwe mu bikorera bavuganye n’Imvaho Nshya bagaragaje bimwe mu byo bifuza ko byazaganirwaho muri iyi nama ikunze gutangirwamo ibisubizo byinshi cyane ko habaho gusasa inzobe mu bayobozi n’abaturage baba babakurikiye.

Umuraza Berancille ukorera imirimo y’ubudozi mu murenge wa Gisozi, asanga bimwe mu bikwiye kwitabwaho mu biganiro bizabera muri iyo nama ari uko gahunda yo guteza imbere ibikorerwa mu Rwanda (Made in Rwanda) yarushaho kwitabwaho kuko ari bwo Abanyarwanda baba bagana ku ntambwe yo kwigira no kwihesha agaciro, aho guhora bategereje gukoresha iby’ahandi biba byatanzweho menshi.

JPEG - 103.7 kb
Abanyarwanda bahawe amahirwe yo gutanga ibitekerezo ku isura nyayo y’u Rwanda bakeneye

Umwe mu myanzuro 13 yafatiwe mu nama y’igihugu y’umushyikirano yabaye ku nshuro ya 13, ni uko Abanyarwanda basabwe gukomeza gusigasira ibyiza bamaze kugeraho, umuco wo kwizigamira, no guteganyiriza izabukuru.

Hari kandi “Guhagurukira gukoresha ibikorerwa murwanda made in Rwanda, hagamijwe kongera umusaruro wibikomoka ku buhinzi n’ubworozi, n’ibyoherezwa hanze, hiyongeyeho gukemura burundu kandi byihuse, ikibazo cyinguzanyo ya buruse igenerwa abanyeshuri itinda kubageraho."

Inama y’umushyikirano y’ubushize, yabaye tariki ya 21 n’iya 22 Ukuboza 2015, yari ifite insanganyamatsiko igira iti “Guhitamo kw’Abanyarwanda ni wo musingi w’Iterambere n’agaciro by’u Rwanda.”

Icyo gihe Perezida Paul Kagame yatanze ubutumwa butangiza inama bugaragariza Abanyarwanda uko Igihugu gihagaze (State of the Nation address) aho yibukije ko uguhitamo kw’Abanyarwanda gushingiye ku nkingi eshatu arizo ubumwe, imiyoborere ibabereye no kureba kure.

Ati “Ibi kandi kugira ngo tubigereho, birasaba ko buri wese akora nk’uwikorera, tugakorana urukundo kandi bikaba inshingano tudashobora gutezukaho."

Abitabiriye Inama y’Igihugu y’Umushyikirano baboneyeho n’umwanya wo kwishimira ibyavuye muri Referandumu ku Itegeko Nshinga aho abaturage barenga 98% bemeje ko rihindurwa, Perezida Paul Kagame agahabwa amahirwe yo kongera kwiyamamariza kuyobora igihugu no gusigasira ibyagezwweho.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.