Advertisement
 
 
 
 
 
 
 
 

Amakuru | Mu Rwanda

Umuryango w’umwami Kigeli V Ndahindurwa watangaje itariki azatabarizwaho   

  Yanditswe na SAMUEL MUTUNGIREHE
 1 month ago

 
 

Umuryango w’Umwami Kigeli V Ndahindurwa, witabye Imana ku ya 16 Ukwakira 2016, watangaje ibijyanye n’umuhango wo gutabariza umugogo we.

Mu kiganiro n’abanyamakuru cyabaye kuri uyu wa 11 Mutarama 2017, Pastor Ezra Mpyisi wavuze mu izina ry’umuryango w’Umwami Kigeli V Ndahindurwa,yavuze ko umwami azatabarizwa ku cyumweru ku ya 15 Mutarama.

Yasobanuye ko azatabarizwa i Mwima ya Nyanza hafi y’uwo yasimbuye Mutara III Rudahigwa. Pastor Mpyisi yasubije abavugaga ko umwami Kigeli yagombaga gutabarizwa i Rutare mu majyaruguru, avuga ko ibihe byahindutse bityo n’imihango yo gutabariza umwami ikaba yarahindutse.

JPEG - 40 kb
Pastor Ezra Mpyisi mu kiganiro n’abanyamakuru , yasobanuye ibijyanye n’umuhango wo gutabariza umwami Kigeli V Ndahindurwa

Umwanzuro w’urukiko watanzwe tariki ya 4 Mutarama 2017 nyuma y’ubuhamya bwerekanywe mu mashusho agenda (Video) umwami ubwe yabwiye umwe mu bagize umuryango we wabanaga nawe, (ari nawe wahamyaga ko yamwibwiriye ko adashaka gutabarizwa mu Rwanda), ko yazatabarizwa mu Rwanda, hashingiwe no kubusabe bwa mushiki we Mukabayojo Speciose n’undi Kigeli V abereye se wabo wemezaga ko Kigeli V Ndahindurwa azatabarizwa mu Rwanda.

Umuryango w’umwami waboneyeho gutangaza ko utemeranywa n’igikorwa bise icy’iyimikwa ry’umuntu wiswe umwami uherutse gutangazwa n’umuvugizi wa Kigeli V, Boniface Benzige.

Pasiteri Mpyisi yakomeje avuga ko we n’umuryango w’umwami bakoze iperereza basanga ntawe Kigeli V yavuze uzamusimbura, ko abagize umuryango baramutse babyifuje bakegera Leta y’u Rwanda n’abanyarwanda hakemezwa ikizakorwa bikabona gutangazwa.

Igihe cyo kunamira umwami n’igihe bizamara n’uko bizaba byifashe bizatangazwa n’abagize umuryo we mu minsi iri imbere.

Kigeli V Ndahindurwa yavutse tariki ya 29 Kamena 1936, ategeka u Rwanda kuva tariki ya 25 Nyakanga 1959 kugeza ahiritswe ku butegetsi muri Mutarama 1961, abanza guhungishirizwa mu bihugu birimo i Dar es Salaam muri Tanzania nyuma muri Leta Zunze Ubumwe za Amerika mu 1992 ari naho yahatangiye tariki ya 16 Ukwakira 2016, umugogo we uzanwa mu Rwanda tariki ya 9 Mutarama 2017

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.