Advertisement
 
 
 
 
 
 
 
 

Amakuru | Mu Rwanda

Minisitiri w’Intebe yijeje abarimu imibereho myiza   

  Yanditswe na IMVAHO NSHYA
 1 month ago

 
 

Minisitiri w’Intebe, Anasthase Murekezi, yasoje itorero ry’abarezi, “Indemyabigwi” kuri uyu wa 12 Mutarama 2017, abizeza ko Leta y’u Rwanda izakomeza kubashakira imibereho myiza binyuze mu kubahemba neza no kuborohereza kubona inguzanyo ku nyungu nto.

Mu ijambo Minisitiri Murekezi yagejeje ku barimu b’Indemyabigwi bari bateraniye muri sitade ubworoherane mu karere ka Musanze, rigakurikirwa n’abandi basoje iryo itorero mu gihugu cyose, yabanje kubashyikiriza ubutumwa bwa Perezida Kagame.

Yababwiye ko Perezida Kagame, yabashimiye uruhare rwabo mu kubaka u Rwanda rwiza, ubwitange badahwema kugaragaza mu kazi kabo gakomeye, n’uruhare rwabo mu gushyira mu bikorwa gahunda za leta no kuzikangurira abaturanyi babo.

Murekezi yakomeje avuga ko Leta y’u Rwanda ishishikajwe n’imibereho ya mwarimu, kandi ko hari byinshi yabageneye, birimo kubashyiriraho sitati yihariye izatuma barushaho kubaho neza.

Yagize ati “ Ndasaba Mineduc gufatanya n’izindi nzego kugira ngo bagenzure neza bakurikirane niba ibigenwa na sitati yihariye y’abarimu bigera ku barimu nk’uko twabiteguye. Ndagira ngo mbizeze ko sitati yihariye izabafasha kuzamura imibereho myiza yanyu n’abanyu. Guverinoma yakemuye byinshi, yiteguye no gukemura ibisigaye byose. Ibirarane byinshi byarakemuwe ariko bambwira ko hari n’ibindi, tugiye kubireba duhite tubisubiza. Mu by’ukuri biranaruhije kugira ngo tube twabona ikiguzi cy’umurimo mukora.”

JPEG - 116.3 kb
Izi ntore zerekanye akarasisi zatojwe

Minisitiri w’Intebe yagarutse kuri koperative y’Umwalimu SACCO, Girinka Mwarimu n’Icumbi rya Mwarimu, nka gahunda zo kuzamura imibereho y’abarimu mu gihugu hose.

Yasobanuye ko inkunga leta igenera Umwarimu SACCO igiye kongerwa ku buryo izaba miliyari 30 z’amafaranga y’u Rwanda mu myaka 10 iri imbere.

Ati “ Iyo koperative imaze iminsi yifashisha inkunga ya leta ya miliyari 16 z’amafaranga y’u Rwanda, ariko Leta yemeye kuyiha inkunga ya miliyari 30 mu myaka 10 iri imbere. Kandi namwe ubwanyu turashima ko mwitabiriye mwihuta gahunda yo kuzigama.”

Minisitiri w’uburezi, Dr. Papias Musafiri yavuze ko hakiri inzira ndende yo guteza imbere ireme ry’uburezi kandi ko abarimu babifitemo uruhare rukomeye.

Ati “Haracyari inzira ndende mu guteza imbere ireme ry’uburezi. Gutegura umunyeshuri neza mu byiciro byose by’uburezi, gukurikiza integanyanyigisho n’imfashanyigisho biboneye, gutegura neza aho umunyeshuri yigira no gutegura umunyeshuri akagira ubumenyi bumufasha kwiteza imbere n’igihugu cye.”

JPEG - 142.3 kb
Indemyabigwi ziyemeje kurerera u Rwanda rugatera imbere

Yanenze abarezi batitabiriye itorero ry’indemyabigwi ku mpamvu zitumvikana n’abagize umuco wo kutavugisha ukuri mu gihe cy’itorero.

Itorero ry’Indemyabigwi ryahuje abarezi bagera kuri 54,895 bigisha mu mashuri y’incuke, abanza , ayisumbuye, ndetse n’ay’ubumenyingiro mu Rwanda hose.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.