Advertisement
 
 
 
 
 
 
 
 

Amakuru | Mu Rwanda

Ibihugu by’u Burayi byishimiye ubwisanzure bw’itangazamakuru mu Rwanda   

  Yanditswe na IMVAHO NSHYA
 1 month ago

 
 

Abambasaderi bahagarariye ibihugu by’Umuryango w’Ubumwe bw’u Burayi, EU, basuye urwego rw’Abanyamakuru Bigenzura, RMC banyurwa n’uburyo Leta y’u Rwanda iha rugari ibitangazamakuru mu kazi kabyo.

Mu biganiro abambasaderi b’u Bubiligi, u Bufaransa, u Budage, u Buholandi, Suwede, n’u Bwongereza bagiranye na komite ya RMC, bashimye uburyo itangazamakuru ryo mu Rwanda ryigenzura, kandi ntirigire aho ribogamira cyane cyane mu bihe by’amatora.

Itangazo bashyize ahagaragara riragira riti “Twishimiye guhura n’abayobozi bashya ba RMC bamaze ukwezi kumwe batowe. Twumvise neza imigambi bimirije imbere irimo guteza imbere itangazamakuru ryigenga, kandi rishoboye guhangana n’imbogamizi, kurengera abanyamakuru, kurushaho guharanira kwigenga kwa RMC nk’urwego rwigenzura no gucungira hafi itangazamakuru mu bihe by’amatora.”

JPEG - 65.1 kb
Abambasaderi b’ibihugu by’u Burayi nyuma yo guhura na komite nyobozi ya RMC

Aba bambasaderi baganiriye n’abayobozi ba RMC ku mbaraga Leta y’u Rwanda ishyira mu kubahiriza amasezerano y’i Geneve, yo gukuraho imbogamizi zose zibangamira ubwisanzure bw’itangazamakuru.

Banasobanuje ku bimaze iminsi bivugwa ko polisi y’u Rwanda yaba iri gukora iperereza ku banyamakuru mu buryo butemewe.

Bari ariko “RMC yadusobanuriye ko ntaho ihuriye n’ibyo kuko yakira ibirego birebana n’imyitwarire y’abanyamakuru, kandi ko yashoboye gukemura hafi y’ibirego by’abaturage bavugaga ko bahohotewe n’itangazamakuru.”

Umuyobozi wa RMC, Cleophas Barore yababwiye ko mu matora y’Umukuru w’Igihugu ateganyijwe muri Kanama 2017, abanyamakuru bazaba bahagarariwe, kandi ko biteguye kuzatangaza amakuru y’ukuri adafite abogamiye.

Yashimiye EU ku nkunga itera u Rwanda n’itangazamakuru by’umwihariko, dore ko ifasha abanyamakuru b’u Rwanda mu bikorwa bitandukanye birimo amahugurwa no kubongerera ubushobozi.

 

Comments

 
 
Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Kicukiro: Barashimira uwaberegereje isomero mu mudugudu
Kicukiro: Barashimira uwaberegereje isomero mu mudugudu

Abaturage bo mu mudugudu wa Rugari, akagari ka Gatenga, umurenge wa Gatenga mu karere ka Kicukiro, barashimira umufatanyabikorwa Mudacumura Fiston waberegeje isomero mu mudugudu wabo. Ubwo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.