Advertisement
 
 
 
 
 
 
 
 

Amakuru | Mu Ntara | Intara

Rusizi: Amacumbi 19 yubakirwaga abarimu yaradindiye   

  Yanditswe na BAHUWIYONGERA SYLVESTRE
 3 months ago

 
 

Ubuyobozi bw’Akarere ka Rusizi buremeza ko amacumbi y’abarimu 19 yubakwaga muri aka karere yadindiye, ariko bukemeza ko buri gukora ibishoboka byose ngo imirimo yo kuyubaka isozwe, abayagenewe batangire kuyabamo.

Ni nyuma y’uko hashize igihe kinini abarimu bo muri aka karere bibaza icyabuze ngo batangire kuyabamo, dore ko yari yubakiwe korohereza abarimu bataha kure y’aho bigisha, bikagira ingaruka ku ireme ry’uburezi batanga.

Aba barimu bagaragaza ko bitumvikana uburyo igikorwa remezo nk’iki cyari kije gikenewe kimara imyaka 4 gipfa ubusa, kandi abo cyagenewe kunganira bakomeza guhura n’ingaruka zo gutaha kure y’amashuri, imvura n’izuba bikabasimburaniraho mu nzira.

JPEG - 234.4 kb
Zimwe mu nyubako z’amacumbi y’abarimu zamezeho ibyatsi (Foto Bahuwiyongera S)

Umwe muri bo yagize ati “Birababaje kubona icumbi ryubakwa imyaka 4 yose n’ubu ritaruzura kandi ryubakwa baratwizezaga ko mu mwaka umwe gusa tuzaba twabonye aho tuba heza, hafi y’ishuri, tukabasha gutegura amasomo neza turi hamwe twungurana ibitekerezo, ariko na n’uyu munsi turacyakodesha amazu adashobotse kandi icumbi turisize aho.

Twumva ngo hari amafaranga yatanzwe n’akarere yo kuryuzuza ariko n’ubu ntituzi ikibura ngo turijyemo ahubwo ryahindutse umusaka, ryabaye ibyatsi gusa rizarinda risaza tutararijyamo.”

Mu kiganiro yagiranye n’Imvaho Nshya, umuyobozi w’aka karere wungirije ushinzwe imibereho myiza y’abaturage, Nsigaye Emmanuel, nawe yemeje ko kuba aya macumbi yaradindiye bigira ingaruka ku ireme ry’uburezi, ariko akemeza ko bakora ibishoboka byose ngo imirimo yari isigaye irangire.

Yagize ati “Ni byo koko aya macumbi yaradindiye, amaze imyaka myinshi kandi yaragombaga kuba yaratashywe kera. Yarubatswe ntiyuzura, ikibazo cyagiye kiba icy’ingengo y’imari, hari ibintu byinshi byaburagamo ku buryo atari guturwamo.

Aho tubiboneye nk’Akarere twatanze amafaranga ku rwego rw’imirenge ngo yubakwe neza abarimu batangire kuyabamo.”

Yakomeje agira ati “Nta na rimwe ryari ryujuje iby’ingenzi ku buryo ryaturwamo nk’uko twabyifuzaga, ubu amafaranga yamaze kugera ku biro by’imirenge kugira ngo yubakwe neza, nkaba nizeza abarezi yari yubakiwe ko bazatangira bayajyamo, kuko ubu hariho gahunda y’amasoko ngo ba rwiyemezamirimo bayubake neza.”

Ubuyobozi bw’aka karere bwemeza ko impamvu aya macumbi yadindiye ari uko mu kuyubaka yageze hagati amafaranga akabura, dore ko kuyubaka byari binahenze cyane, kuko nk’iryo mu murenge wa Nzahaha rizuzura ritanzweho amafaranga miliyoni 30.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.