Advertisement
 
 
 
 
 
 
 
 

Amakuru | Mu Ntara | Intara

Polisi yaguye gitumo abasore bavanaga urumogi muri Congo   

  Yanditswe na Iyaremye Yves
 1 week ago

 
 

Abasore babiri bo mu karere ka Rubavu bafatanwe ibiro 250 by’urumogi bagejeje mu Rwanda babinyujije mu kiyaga cya Kivu.

Mavubi Patrice w’imyaka 32 usanzwe atwara imodoka mu mujyi wa Gisenyi hamwe na Dushimimana Alphonse w’imyaka 34 utwara moto bari mu maboko ya polisi ya Rubavu; bafashwe mu ijoro ryo kuwa kuwa 7 Mutarama 2017 bapakiye urumogi rufite agaciro ka miliyoni 30.

Polisi ivuga ko bafatiwe ahitwa kwa Nyanja ku nkengero zíkiyaga cya Kivu bapakira mu modoka imifuka y’urumogi bashaka kurujyana Kigali.

JPEG - 246 kb
Abo basore bemera icyaha bagasaba n’imbabazi

Mavubi avuga ko bagombaga kugeza urwo rumugi Kigali abakoresha babo bakabaha ibihumbi ijana..

Ati "Nemera icyaha nkanagisabira imbabazi rwose nafatiwe mu cyuho ntaho nabicikira,mbabariwe sinazabyongera."

Ubuyobozi bwa Polisi mu Ntara y’uburengerazuba, buvuga ko bwashoboye kurufata kubera amakuru yatanzwe n’abaturage, bagasaba abaturage gukomeza gutanga amakuru ku bishobora kwangiza umutekano harimo no kugaragaza abacuruza n’abinjiza urumogi mu Rwanda.

CIP Kanamugire Theobald umugizi wa Polisi mu Ntara y’uburengerazuba, yasabye abakijandika mu bucuruzi bw’ibiyobyabwenge n’ababikoresha kwikosora.

Agira ati " Urumogi rwangiza ubuzima rw’abarukoresha, naho abarucuruza barahomba iyo rufashwe rugatwikwa, turabasaba guhindura imikorere bakareka kwangiza ubuzima bw’abanyarwanda no guhombya imitungo yabo.”

Mu mwaka wa 2016 mu karere ka Rubavu hafashwe urumogi rungana n’ibiro igihumbi 200 rwinjijwe mu Rwanda ruvanywe muri Congo, hari hashize iminsi 4 hafashwe umugore wari utwaye urumogi mu gihaza kuwa 5 Mutarama 2017.

Polisi itangaza ko icyaha cyo kwinjiza ku butaka bw’u Rwanda ibiyobyabwenge mu buryo butemewe , gihanishwa ingingo ya 594, mu gika cya kabiri mu gitabo cy’amategeko ahana ivuga ko umuntu wese winjiza ibiyobyabwenge mu buryo bunyuranyije n’amategeko ahanishwa igifungo kuva ku myaka itatu kugeza ku myaka itanu n’amande y’ibihumbi Magana atanu kugeza kuri miriyoni eshanu z’amafaranga y’u Rwanda, igihe cyose ahamwe n’icyo cyaha.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.