2017-11-22 08:52:40 clouds 27o High | Kigali Rwanda

Dukurikire:
 
 

Nyamasheke: Ikamyo y’Abashinwa yagonze veterineri w’umurenge arapfa

Yanditswe na IMVAHO NSHYA

Kuya 2017-01-12 11:43:29

 
Share on:
 
Yasuwe:17
 
Yavuzweho:200
 
10
 
10

Imodoka y’Abashinwa bakora umuhanda wa Nyamasheke-Karongi yari itwawe n’umushoferi witwa Nizeyimana Fabien w’imyaka 45 yagonze moto yari itwaye Veterineri w’ umurenge wa Karambi, Tuyizere Pontien, ahita yitaba Imana ku wa Gatatu ku ya 11 Mutarama 2017.

Ubwo Imvaho Nshya yageraga aho iyi mpanuka yabereye, umwe mu bayibonye veterineri bombi bari kuri moto, akabona imbere haturutse igikamyo, gita umuhanda wacyo kiramukubita.

Yagize ati “Yahise ahanuka kuri moto ashiramo umwuka polisi ihita ihagera ihamagara ibitaro bya Kibogora bazana imodoka itwara umurambo.’’

JPEG - 309.5 kb
Imodoka yamukubitiye aha hashushanije ahita apfa

Umuyobozi w’aka karere Kamari Aimé Fabien na we yemeje aya makuru avuga ko nk’ubuyobozi batewe agahinda no kubura umukozi.

Ati “Ni byo koko dufite agahinda kenshi twatewe n’impanuka yabaye mu kanya mu ma saa munani n’igice z’igicamunsi, aho umukozi wacu Tuyizere Pontien yagonzwe n’iyo modoka avuye ku murenge yari yiriwe akoramo wa Karambi, azanye raporo ku karere, akubitanira n’ikimodoka cy’Abashinwa mu ikorosi ry’aho bita mu Gaseke, mu mudugudu wa Gasharu,akagari ka Gako,mu murenge wa Kagano, gihita kimugonga arapfa.’’

Yakomeje agira ati “Iyi mpanuka yatewe n’uko uyu mushoferi yagendaga avugira kuri telefoni, ageze muri iryo korosi arangazwa n’iyo telefoni, ahita ata umuhanda we agonga uyu mukozi wacu, umurambo we wahise ujyanwa mu bitaro bya Kibogora gukorerwa isuzuma mbere y’uko ushyingurwa,umushoferi na we yahise atabwa muri yombi n’imodoka irafatwa, afungiye kuri sitasiyo ya polisi ya Kanjongo aho arimo abibazwa.’’

Meya Kamari yakomeje avuga ko akarere kagiye gukora ibishobka byose, ku bufatanye n’umurenge n’umuryango we bagashyingura Nyakwigendera, asaba ariko abashoferi kujya birinda gutwara imodoka bavugira kuri telefoni kuko bishobora guteza impanuka zirimo n’urupfu.

Nyakwigendera yari afite imyaka 31, apfuye akiri ingaragu.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE