Advertisement
 
 
 
 
 
 
 
 

Amakuru | Mu Ntara | Intara

Nyamasheke: Abayobozi b’utugari 19 beguye   

  Yanditswe na Sylvestre Bahuwiyongera
 2 months ago

 
 

Abanyamabanga nshingwabikorwa b’utugari 19 two mu karere ka Nyamasheke beguye bavuga ko babitewe n’impamvu zabo bwite kuri uyu wa 11 Mutarama 2016.

Meya w’ako karere, Kamali Aime Fabien, mu kiganiro n’Imvaho Nshya yavuze ko abeguye ari abo mu mirenge 11 muri 15 igize ako karere, bakaba barimo abagore babiri n’abagabo 17.

Yagize ati “ Nibyo koko beguye ku mirimo yabo, nyuma yo kwisuzuma bagasanga hari ibyo batatunganyije mu kazi kabo, bahisemo kutwandikira basaba kwemererwa kwegura ku mpamvu zabo bwite natwe turabibemerera.”

Aba ba gitifu bari baje baje mu nama y’umutekano yaguye yo ku rwego rw’akarere, ku gicamunsi, ubuyobozi bw’iyo nama bwasabye abanyamakuru gusohoka, nyuma y’akanya gato bitangazwa ko beguye.

JPEG - 51.9 kb
Umuyobozi w’akarere ka Nyamasheke, Kamali Aime Fabien

Meya Kamali avuga ko uku kwegura kudasiga icyuho gikabije mu miyoboborere kuko bagiye kwihutira gushyiraho abandi mu bihe bya vuba.

Ati “Nta kibazo biri butere cyane cyane ko dukora nk’ikipe, abari bashinzwe iterambere mu tugari baraba bakora imirimo bakoraga mu minsi iri imbere tuzabasimbuza.”

Yasabye abaturage kutagira ubwoba kuko ari ibisanzwe ko igihe umuntu yumva afite intege nke kandi igihugu cyihuta mu iterambere yegura abafite ingufu bagakomezanya n’umuvuduko w’igihugu.

Aba 19 beguye bakurikiye ab’imirenge batanu yo mu karere ka Nyamasheke beguye mu minsi ishize kugeza ubu bakaba batarasimbuzwa.

Hari kandi n’abandi bayobozi b’utugari 26 beguye ejo hashize mu karere ka Rusizi nako ko mu ntara y’Uburengerazuba.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.