Advertisement
 
 
 
 
 
 
 
 

Amakuru | Mu Ntara | Intara

Ngororero: Barasabira abajura ibihano bikarishye   

  Yanditswe na NGABOYABAHIZI PROTAIS
 3 weeks ago

 
 

Abaturage bo mu murenge wa Matyazo mu karere ka Ngororero, baratangaza ko babangamiwe n’abajura babiba amatungo n’imyaka, bagasaba inzego zibishinzwe kujya bahana by’intangarugero abajura baba bafashwe.

Ibi barabivugira ko ngo iyo hari abafashwe bagera kuri Polisi ikabarekura, ngo habuze ibimenyetso bifatika bibashinja.

Ubuyobozi bw’umurenge wa Matyazo, buvuga ko iki kibazo gihari koko, bukaba busaba abaturage gukaza amarondo ndetse n’abafashwe bagatangirwa ubuhamya n’ibimenyetso kugira ngo ubutabera bujye bukora akazi kabwo neza.

Mujawamariya Annonciata utuye mu murenge wa Matyazo, yagize ati «Kuri ubu tubangamiwe n’insoresore zirirwa zicaye hano ku mihanda bwakwira zikirara mu ngo zacu zikiba amatungo n’icyo zisanzemo, ubundi zikajya mu mirima yacu imyaka yose zikiba, ikibabaje kandi ntiwavuga ngo bararobanura ibyo biba.

JPEG - 181 kb
Abajura bagera mu rutoki bagasarura nk’abaruhinze (Foto archive).

Ibitoki, ibijumba, ibirayi, amateke, gusogora ibishyimbo mu murima n’ibindi mbese ubu twaragowe, gusa dutangazwa n’uko iyo umujura afatanywe igihanga (ikimenyetso), ujya kubona ukabona Polisi iramurekuye bidaciye kabiri.

Twifuza ko mu gihe umujura afashwe yajya ahabwa ibihano by’intangarugero, agafungwa ndetse agacibwa n’amande, ndasaba kandi ko amarondo atajya akorerwa ku masantere y’ubucuruzi no ku maduka y’abacuruzi gusa, kuko usanga nko mu byaro byacu amarondo asa n’akorwa by’umuhango».

Umunyamabanga nshingwabikorwa w’umurenge wa Matyazo Habiyakare Etienne, yagize ati «Ikibazo kirahari koko. Abajura muri iyi minsi usanga bibasiye imyaka n’amatungo, aha rero dufatanije n’abaturage ubu turimo gukora amarondo kugira ngo tubahashye, kandi bamwe mu bitwikira ijoro barafatwa, ndasaba abaturage gukaza amarondo.»

Ku bijyanye n’uko abafashwe barekurwa, Habiyakare Etienne yakomeje avuga ko kurekurwa kwabo haba habuze ibimenyetso n’ubuhamya, bityo agasaba abaturage baba bibwe kujya baherekezanya ubuhamya n’ibimenyetso by’abafashwe kugira ngo inzego z’ubutabera zikore akazi kazo neza, kuko iyo Polisi imaze gufata umuntu ntibone ibimenyetso icyo gihe aba ari umwere.

Ingingo ya 300 y’itegeko ngenga nomero 01/2012 ryo kuwa 02/05/2012, rishyiraho igitabo cy’amategeko ahana ibyaha mu Rwanda, ivuga ko umuntu wakoze ubujura nk’ubu budakoreshejwe ikiboko cyangwa ibikangisho buhanishwa igifungo kuva ku mezi 6 kugeza ku myaka 2 n’ihazabu y’amafaranga y’u Rwanda yikubye inshuro kuva 2 kugeza kuri 5 z’agaciro k’icyibwe cyangwa kimwe gusa muri ibyo bihano.

 

Comments

 
 
Congo yasubijwe umusirikare wayo wafatiwe mu Rwanda ashaka guhohotera umugore
Congo yasubijwe umusirikare wayo wafatiwe mu Rwanda ashaka guhohotera umugore

U Rwanda rwasubije Repubulika Iharanira Demokarasi ya Congo abasirikare bayo babiri bafashwe mu bihe bitandukanye barenze umupaka umwe ashaka guhohotera umugore, undi yasinze. Abo basirikare (...)

Rusizi: Bahangayikishijwe n’ibigori bahinze kuri hegitari zisaga 500 byanze kwera
Rusizi: Bahangayikishijwe n’ibigori bahinze kuri hegitari zisaga 500 byanze kwera

Ubuyobozi bw’akarere ka Rusizi buravuga ko butewe impungenge n’ibigori bigera kuri toni 13 n’ibilo 240 byahawe abaturage ngo babitere, bikanga kwera ku buryo babona bizagaburirwa amatungo. (...)

Ngoma: Imbwa yakomerekeje abantu 4 barimo shebuja n’abana be
Ngoma: Imbwa yakomerekeje abantu 4 barimo shebuja n’abana be

Abantu 4 bariwe n’imbwa mu mudugudu wa Nyamugari, akagari ka Cyerwa, Umurenge wa Gashanda, mu karere ka Ngoma, ku mugoroba wo kuwa 5 Gashyantare 2017, hakekwa ko iyo mbwa yaba yarabitewe n’uko (...)

Uburasirazuba: Aborozi bijejwe ko ikibazo cy’imiti itakica udukoko kigiye gukemuka
Uburasirazuba: Aborozi bijejwe ko ikibazo cy’imiti itakica udukoko kigiye gukemuka

Ikigo cy’igihugu gishinzwe ubuhinzi n’ubworozi kirizeza aborozi bo mu ntara y’Uburasirazuba ko ikibazo cy’imiti itakica uburondwe kirimo gushakirwa umuti. Ibi bitangajwe nyuma y’aho bamwe mu (...)

Abaturage b’i Nyamasheke bashimye Kagame wabahaye ibikorwaremezo
Abaturage b’i Nyamasheke bashimye Kagame wabahaye ibikorwaremezo

Abaturage bo mu Murenge wa Shangi mu tugari twa Burimba, Mataba na Mugera barasingiza umuhanda bubakiwe ndetse n’ibindi bikorwa remezo bahawe ku buyobozi bwa Perezida Paul Kagame. Ibi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.