2017-07-20 15:18:59 clouds 27o High | Kigali Rwanda

Dukurikire:
 
 

Muhanga:Polisi yihanangirije abamotari baheka abantu batatu kuri moto

Yanditswe na IMVAHO NSHYA

Kuya 2017-01-09 08:46:05

 
Share on:
 
Yasuwe:2
 
Yavuzweho:200
 
10
 
10

Polisi y’igihugu mu Karere ka Muhanga yihanangirije bamwe mu bamotari baheka abantu batatu kuri moto icyarimwe, birengagije amategeko ndetse n’ubuzima bw’abo batwaye, ikavuga ko uzafatirwa muri aya makosa azahanwa by’intangarugero.

Mu nama y’umunsi umwe yahuje inzego z’umutekano Polisi, ingabo na bamwe bakora akazi ko gutwara abantu n’ibintu kuri moto (abamotari), IP Kayihura Claver ushinzwe guhuza inzego za Polisi n’abaturage muri aka Karere, yavuze ko hari bamwe mu bamotari bongeye kubura ingeso mbi yo guheka abantu barenze umwe kuri moto, bitwikiriye amasaha y’ijoro.

IP Kayihura yongeyeho ko hari hashize igihe kitari gito uyu muco mubi wo guheka abantu benshi kuri moto imwe ucitse, ariko ngo wongeye kuvugwa mbere y’iminsi mikuru irangiye, kandi ngo mu babikora abenshi ni abadafite aho babarizwa ndetse batagira n’ibyangombwa by’akazi.

Ati «Abakunze gukora ayo makosa ni abamotari batagira koperative n’imwe babarizwamo, ndetse ntibagira n’uruhushya rwo gutwara, ni yo mpamvu bahitamo guheka abantu nijoro, tugiye guhagurukira iki kibazo kuko abayobozi banyu usanga batabyitaho.»

<doc9431|center
Ntivuguruzwa Martin wo muri Koperative itwara abantu(COTRAVEMOMU), avuga ko kuba hari koperative zitagira ibyangombwa by’ikigo gishinzwe guteza imbere amakoperative usanga n’abamotari bazibarizwamo batagira impushya zo gutwara moto, ari nayo mpamvu bitwikira ijoro noneho bagaheka abantu benshi kugira ngo bakorere menshi batabonye ku manywa.

Ati:«Njye numva amakosa aterwa n’abayobozi b’amakoperative kuko ni bo bahawe inshingano zo kureba ibikorerwa mu makoperative, iyo batabyitayeho usanga rwose ntacyo umumotari ashobora gukora ku giti cye.»

Umuyobozi w’ihuriro ry’amakoperative mu ntara y’Amajyepfo Nsabimana Jerome, avuga ko hari Koperative eshatu muri eshanu zibarizwa mu mu mujyi wa Muhanga, bakaba bagiye guhita bahagarika kuko zitagira ibyangombwa by’ikigo gishinzwe guteza imbere amakoperative (RCA) ari nazo zikunze guteza aka kajagari ka hato na hato.

Ati “Guhera uyu munsi tugiye guhagarika koperatie zitagira ibyangombwa nyuma y’aho hazakurikira ibarura ryimbitse ry’abamotari n’ibinyabiziga byabo ku buryo aka kavuyo kose kazavaho rirangiye.»

Koperative zikorera mu karere ka Muhanga zitagira ibyangombwa zasabwe kubishaka vuba, bakagira uruhare mu guca aka kajagari.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE