Advertisement
 
 
 
 
 
 
 
 

Amakuru | Mu Ntara | Intara

Meya wa Rusizi yasobanuye iby’amapfa yibasiye umurenge wa Bugarama   

  Yanditswe na BAHUWIYONGERA SYLVESTRE
 4 weeks ago

 
 

Mu gihe mu murenge wa Bugarama hamaze iminsi havugwa ikibazo cy’igabanuka ry’ibiribwa kubera ko izuba ryahacanye, ubuyobozi bw’aka karere bwo buravuga ko hari aho abaturage batazagira ikintu na kimwe basarura kubera ko izuba ryabyishe burundu, ariko ngo hari icyizere ko ibiribwa bitazabura cyane.

Mu kiganiro n’abanyamakuru, umuyobozi w’aka karere Herelimana Frédéric, yavuze ko ikibazo cy’amapfa muri uyu murenge cyatewe n’izuba ryinshi gihangayikishije akarere kose, ariko ngo kugeza ubu abaturage ntibaragera aho Babura ibyo kurya.

Yagize ati “Akarere kacu ni akarere kari gasanzwe kera cyane kanagira imvura ihagije, ariko muri iki gihembwe cy’ihinga gishize si ko byagenze imirenge imwe n’imwe yahuye n’izuba rikabije, cyane cyane mu murenge wa Bugarama, aho twatakaje hegitari 501 z’ibigori, hegitari 80 z’ibishyimbo n’izindi 40 z’umuceri.
Izi tukaba nta cyizere gihari cyo kuzisaruraho na duke, ariko ahandi ho abaturage bakaba bazageramo.”

JPEG - 260.4 kb
Meya Harelimana ahamya ko ikibazo cy’amapfa bari kugikurikiranira hafi (Foto Bahuwiyongera S).

Meya yakomeje avuga ko iki kibazo kizazahaza cyane abaturage b’akagari kose ka Ryankana n’agace ka Kabamba mu kagari ka Pera bagera ku 2300, kubera ko bahinze izuba rigahita ricana, ariko ngo bikaba bikurikiranirwa hafi ku buryo mu gihe ibiribwa byabura bagobokwa.

Yagize ati “Iri zuba ryateye amapfa, abaturage baho koko ntibarya uko baryaga, ariko ndagira ngo mbabwire ko nta nzara iri mu karere kacu, nta nzara iri mu Bugarama, kuko nta raporo turahabwa y’abaturage basuhutse cyangwa hari uwaba yishwe n’inzara, gusa ikibazo ni icyo, kandi tugifitiye ingamba zaba ari iz’igihe cya vuba cyangwa ikirekire.

Harimo izo gutangira kwigisha abaturage guhunika imyaka ndetse no kuhira imyaka yabo, kuko imiterere y’ikirere twari dufite yari yaratumye twirara.”

Uyu muyobozi agira inama abaturage yo kugana aho byeze mu yindi mirenge bagahahirayo nk’uko bisanzwe igihe hari abatejeje abandi bejeje, bagatangira gutekereza ukuntu imigezi ihari yabafasha kujya buhira, ibibazo nk’ibi ntibizongere kuba muri aka karere.

Iki kibazo kije gisanga ihenda rikabije ry’ifu y’imyumbati yari bimwe mu biryo by’ibanze by’abaturage b’uyu murenge, bakanavuga ko bigiye guhurirana n’itangira ry’amashuri, bakagira impungenge ko iki kibazo cyatera guta amashuri kw’abana bamwe, gusa ubuyobozi bwo buvuga ko nta mwana uzata ishuri.

 

Comments

 
 
Ngoma: Imbwa yakomerekeje abantu 4 barimo shebuja n’abana be
Ngoma: Imbwa yakomerekeje abantu 4 barimo shebuja n’abana be

Abantu 4 bariwe n’imbwa mu mudugudu wa Nyamugari, akagari ka Cyerwa, Umurenge wa Gashanda, mu karere ka Ngoma, ku mugoroba wo kuwa 5 Gashyantare 2017, hakekwa ko iyo mbwa yaba yarabitewe n’uko (...)

Uburasirazuba: Aborozi bijejwe ko ikibazo cy’imiti itakica udukoko kigiye gukemuka
Uburasirazuba: Aborozi bijejwe ko ikibazo cy’imiti itakica udukoko kigiye gukemuka

Ikigo cy’igihugu gishinzwe ubuhinzi n’ubworozi kirizeza aborozi bo mu ntara y’Uburasirazuba ko ikibazo cy’imiti itakica uburondwe kirimo gushakirwa umuti. Ibi bitangajwe nyuma y’aho bamwe mu (...)

Abaturage b’i Nyamasheke bashimye Kagame wabahaye ibikorwaremezo
Abaturage b’i Nyamasheke bashimye Kagame wabahaye ibikorwaremezo

Abaturage bo mu Murenge wa Shangi mu tugari twa Burimba, Mataba na Mugera barasingiza umuhanda bubakiwe ndetse n’ibindi bikorwa remezo bahawe ku buyobozi bwa Perezida Paul Kagame. Ibi (...)

Umworozi yiyemeje kwitanga agasubiza mu ishuri abana baritaye
Umworozi yiyemeje kwitanga agasubiza mu ishuri abana baritaye

Umwe mu borozi babigize umwuga mu karere ka Rubavu mu murenge wa Cyanzarwe avuga ko yifashishije amafaranga yunguka mu bworozi bwe agiye kugira uruhare mu gusubiza mu ishuri abana baritaye, (...)

Nyange:Hagiye kubaka inzu y’amateka y’Intwari z’Imena
Nyange:Hagiye kubaka inzu y’amateka y’Intwari z’Imena

Ishuri ryisumbuye rya Nyange mu karere ka Ngororero, rigiye kubakwamo inzu izafasha kubika amateka y’ubutwari yabereye muri iki kigo, kugira ngo atibagirana. Ubwo hizihizwaga munsi w’Intwari, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.