Advertisement
 
 
 
 
 
 
 
 

Amakuru | Mu Ntara | Intara

Meya Kayiranga yakuriye inzira ku murima abasaba ingoboka bitwaje ko bafite ubumuga   

  Yanditswe na UMUTONI BEATHA
 1 month ago

 
 

Umuyobozi w’Akarere ka Rulindo Kayiranga Emmanuel, asaba abafite ubumuga ko batagomba kumva ko kugira ubumuga ubwabyo bihita bibashyira mu cyiciro cy’abatishoboye, kuko ngo hari abafite ubumuga bakora bakiteza imbere.

Ubu butumwa uyu muyobozi yabutanze mu gihe hari bamwe mu bafite ubumuga bo muri aka karere binubira ko nta nkunga bahabwa, bakavuga ko kuba badashyirwa mu cyiciro cy’abagenerwa ubufasha ari ukubarenganya.

Meya Kayiranga yagize ati “Gutanga ubufasha ntabwo ari ubonetse wese ngo ni uko afite ubumuga tubuha, dutanga ubufasha hakurikijwe ibyiciro byabo, duhereye ku babaye kuruta abandi, kandi bari mu cyiciro cy’abagomba gufashwa, abavuga ko inkunga zitabageraho ni uko ubwo baba bari mu cyiciro kitari icy’abagenewe gufashwa, kandi numva kugira ubumuga bidasobanuye kuba mu cyiciro cy’abafashwa.”

JPEG - 169.5 kb
Umuyobozi w’akarere ka Rulindo Kayiranga Emmanuel (Foto archive)

Kayiganwa Caritas, ni umwe mu bafite ubumuga bahamya ko batagerwaho n’inkunga nk’uko bigenda ku bandi, akaba atabyishimira ndetse akagaragaza ko ibyo akorerwa byakwitwa akarengane.

Yagize ati “Njye maze imyaka irenga 20 mfite ubumuga by’amaguru abiri, ariko nta na rimwe nari nagerwaho n’inkunga zigenerwa abafite ubumuga, mbona hari bamwe tugirirwa akarengane ntiduhabwe na kimwe.”

Umuyobozi w’aka karere ka Rulindo ahamya ko abafite ubumuga bari mu cyiciro cy’abakwiye gufashwa bafashwa muri gahunda zitandukanye.

Ati “Ku bufatanye n’abafatanyabikorwa batandukanye b’akarere, abafite ubumuga muri aka karere bitabwaho, ubu twahereye ku kubashakira uko babasha kugenda ndavuga nko kubaha amagare kubatabasha kugenda, ndetse n’ubundi bufasha barabuhabwa.”

Ibyo uyu muyobozi avuga birashimangirwa na bamwe mu bafite ubumuga bari mu cyiciro cy’abahabwa ubufasha, banashimira cyane Leta y’u Rwanda yabahaye agaciro batari barigeze mbere.

Uwimana Evode, umwe mu bafite ubumuga wo mu murenge wa Tumba yagize ati “Turashima Leta yarebye ikabona ko natwe nk’abafite ubumuga tugomba guhabwa agaciro nk’abandi mu muryango, bikaba bituma imiryango yacu isigaye itubona nk’abantu kandi bafite akamaro kuko natwe dufite icyo dushoboye.”

 

Comments

 
 
Rusizi:Abaguzi barinubira bamwe mu bacuruzi batabaha inyemezabuguzi
Rusizi:Abaguzi barinubira bamwe mu bacuruzi batabaha inyemezabuguzi

Bamwe mu bahahira mu maduka menshi yo mu mujyi wa Rusizi, barinubira ibyo bita serivisi zitanoze bahabwa n’abacuruzi bamwe na bamwe muri uyu mujyi, aho bagura ibintu ntibahabwe (...)

Muhanga:Abajura bambura amatelefone n’amasakoshi barahagurukiwe
Muhanga:Abajura bambura amatelefone n’amasakoshi barahagurukiwe

Mu gihe bamwe mu bagore bo mu Karere ka Muhanga basaba Polisi ko guta muri yombi abasore b’inzererezi birirwa babambura amafaranga ndetse n’ibikapu, Polisi yo iravuga ko hari abasore 70 bashinjwaga (...)

Rusizi: Umugore wari utwite inda y’amezi 6 yakubiswe n’inkuba arapfa
Rusizi: Umugore wari utwite inda y’amezi 6 yakubiswe n’inkuba arapfa

Mateso Espérance wari ufite imyaka 32, bivugwa ko yari atwite inda y’amezi 6, yakubitiwe n’inkuba iwe mu rugo mu mudugudu wa Kamabuye, akagari ka Ntendezi,mu murenge wa Ruharanbuga, mu karere ka (...)

Ruhango:Babangamiwe n’abajura babiba imigwegwe babohesha ibiseke
Ruhango:Babangamiwe n’abajura babiba imigwegwe babohesha ibiseke

Bamwe mu baboha ibiseke bo mu murenge wa Byimana ho mu karere ka Ruhango, baratangaza ko babangamiwe cyane n’abajura babiba imigwegwe baba barahinze yo kwifashisha baboha ibiseke. Aba baturage (...)

 Gicumbi: Yagwiriwe n’ikirombe arapfa
Gicumbi: Yagwiriwe n’ikirombe arapfa

Buturaga wari ufite imyaka 35 y’amavuko, yagwiriwe n’ikirombe maze yitaba Imana, ubwo yacukuraga amabuye y’agaciro mu buryo butemewe n’amategeko mu kagari ka Mubuga mu murenge wa Miyove mu karere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.