Advertisement
 
 
 
 
 
 
 
 

Amakuru | Mu Ntara | Intara

Ba gitifu b’utugari 26 two mu karere ka Rusizi beguriye rimwe   

  Yanditswe na BAHUWIYONGERA Sylvestre
 2 months ago

 
 

Abanyamabanga nshingwabikorwa b’utugari 26 two mu karere ka Rusizi baguriye rimwe kuri uyu wa 10 Mutarama 2016.

Umunyamabanga nshingwabikorwa w’akarere ka Rusizi, Mushimiyimana Ephrem, yabwiye Imvaho Nshya ko mu gitondo cyo kuri uyu wa Kabiri, aba bayobozi bagejeje ku biro by’aka karere amabaruwa agaragaza ubwegure bwabo ku mpamvu zabo bwite na bo bakayakira.

Yagize ati “Ni byo koko, muri iki gitondo twakiriye amabaruwa ya ba Gitifu 26 b’utugari badusaba ko twakwemera ubwegure bwabo ku bushake bwabo, natwe nta kindi twari gukora uretse kwemera ubwo bushake bwabo kuko iyo umuntu akubwiye ko ashaka gusezera nta kindi wakora, aba beguye bakaba ari abo mu mirenge 14 mu mirenge 18 igize aka karere.

“Habayeho kwisuzuma, bareba ibyahise, imikorere yagiye ibaho, amakosa atandukanye agenda akorwa n’ibindi bahitamo gusezera ku mpamvu zabo bwite.’’

JPEG - 339.5 kb
Abeguye bose bavuga ko beguye ku mpamvu zabo bwite (Foto:Bahuwiyongera S.)

Mushimiyimana avuga ko ubundi iyo abantu beguriye rimwe nka kuriya baba basize icyuho gikomeye mu buyobozi ari yo mpamvu bagiye kwihutira gushaka abandi mu gihe kitarenze ukwezi bakaba babonetse.

Yasabye abaturage kutumva ko hari igikuba cyacitse cyangwa hari ikidasanzwe cyabaye, bagakomeza imirimo yabo kandi bakamenyera ko igihe cyose umuyobozi azajya yumva adashoboye kubakorera uko babishaka azajya abasezeraho hagashakwa undi ushoboye kubakorera.

Ati “Turakora ibishoboka byose mu gihe kitarenze ukwezi kumwe tube tubonye abasimbura aba bahagaritse akazi kabo, cyane cyane ko turi mu gihe gikomeye cyo gushyira mu bikorwa imihigo, urumva ko bitoroshye.

Icyo twasaba abaturage ni ukutumva ko hari igikuba cyacitse cyangwa ngo bumve ko hari serivisi bazabura. Ibyo ntibishoboka,abashinzwe iterambere mu tugari baraba bakora akazi aba bakoraga mu gihe tugishaka abandi,ariko serivisi zo zizakomeza gutangwa uko bisanzwe.’’

Aba beguye bakurikira Gitifu w’umurenge wa Gitambi, Niwemugeni Marie Claire n’uwa Muganza, Muhirwa Philippe, beguye mu kwezi gushize na bwo ku mpamvu zabo bwite.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.