Advertisement
 
 
 
 
 
 
 
 

Amakuru | Mu Ntara | Intara

Abaturage b’i Rubavu biyubakiye ibiro by’umurenge by’asaga Miliyoni 200   

  Yanditswe na IYAREMYE YVES
 3 months ago

 
 

Abaturage bo mu murenge wa Bugeshi mu karere ka Rubavu barishimira ko inyubako y’ibiro by’umurenge wabo biyubakiye, ifite agaciro ka miliyoni zisaga 200 z’amafaranga y’u Rwanda.

Bavuga ko iyi nyubako yubatswe ku mbaraga n’ubushobozi bishatsemo, bemeza ko ijyanye n’icyerekezo cy’igihugu kandi ko bayiyubakiye mu rwego rwo kugaragaza ko ahari ubushake hari n’ubushobozi.

Mukamana Emerance, umwe mu baturage batuye mu murenge wa Bugeshi, avuga ko nabo bakibona igitekerezo batiyumvishaga uburyo bazubaka iyo inyubako mu cyaro kandi zaragenewe umujyi gusa none bakaba bamaze kubona ko byose bishoboka.

Yagize ati “Mbere twababazwaga n’uburyo abakozi b’umurenge babyiganaga bakorera mu cyumba kimwe ari nka 3 byaduteraga impungenge niho havuye igitekerezo turitanga karahava buri wese yitanga uko yifite mu bushobozi n’imbaraga z’amaboko twishimiye kuzayitaha kuko iduhesha ishema ibi byose tubikomora kuri Perezida wa Repubulika utwigisha kwigira no gutinyuka.”

JPEG - 91.8 kb
Inyubako abaturage biyujuririje ibatwaye agera kuri miliyoni 200(foto Iyaremye Y)

Ubuyobozi bw’Umurenge wa Bugeshi butangaza ko hatagize igihinduka, bitarenze ukwezi kwa kabiri uyu mwaka, iyi nyubako izaba yatangiye gukorerwamo imirimo ifasha abaturage kwiteza imbere; bunabashimira ubwitange bakomeje kugira kuva itangiye kubakwa kugeza n’ubu mu mirimo ya nyuma.

Umunyamabanga Nshingwabikorwa w’uyu murenge, Mvano Nsabimana Ethienne, yagize ati “Ibi bikorwa bifite agaciro hafi miliyoni 200 akarere ubwako kaduhaye agera kuri miliyoni 70 gusa nta handi wapfa kubona abaturage nk’aba bitanga bakeza ibirayi duhinga cyane hano bakazana inkunga ngo ubuyobozi bubabereye buzakorere ahantu heza turabashima kuko ubu turi mu mirimo ya nyuma.”

Akomeza agira ati “Twumva ibi bikwiye kubera isoko indi mirenge mu gihugu itagira aho ikorera hihariye cyangwa bakiri mu mfunganwa gufatanya n’abaturage bakamenya iterambere bakeneye n’ibyabafasha kurigeraho kwigira.”

Iyo nyubako y’igorofa iherereye mu gace k’icyaro, ifite ibyumba 22 n’icyumba cy’inama cyakira abagera ku 150.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.