Advertisement
 
 
 
 
 
 
 
 

Amakuru | Mu Mahanga

USA: Mu irahira rya Trump hazatangwa urumogi rw’ubuntu   

  Yanditswe na IMVAHO NSHYA
 2 months ago

 
 

Amashyirahamwe y’abifuza ko urumogi rwemerwa muri Leta Zunze Ubumwe za Amerika, yatangaje ko ku munsi w’irahira rya Donald Trump azatanga udupfunyika twarwo (boules) 4200 ku buntu.

Urwo rumogi ruzahabwa abanywarumogi bazaba bari mu mujyi wa Washington ari naho Donald Trump azarahirira ku wa 20 Mutarama 2017.

Umunyapolitiki uyoboye abazatanga urumogi, Adam Eidinger, yabwiye CNN ko bagamije guha ubutumwa Trump kugira ngo atazashyiraho amategeko abangamira abanywarumogi.

Ati “Turi guharanira uburenganzira bwacu kuko duhangayikishijwe n’uko Leta izashyiraho amategeko atubangamira. Ni gahunda twashyizeho yo gusangira urumogi bataradufungira amazi n’umuriro. Dushaka no kwivuganira ngo baduhe amategeko aturengera.”

Eidinger yashinze ihuriro DCMJ ryaharaniye ko urumogi rwemerwa muri Leta ya Washington; kuri ubu umuntu yemerewe kugendana no kunywa udupfunyika tubiri tw’urumogi ariko ntibyemerewe kurugurisha ku mugaragaro.

Abanywa urumogi bagize impungenge nyuma y’uko Trump ashyizeho umushinjacyaha mukuru, Jeff Sessions, ubanga urunuka.

Muri Mata 2016, yagize ati “Abantu biyubaha ntibanywa urumogi, dukeneye abantu bakuru berekana ko urumogi atari ikintu cyo gushyigikirwa, kuko ari ikibazo gikomeye ku gihugu cyacu.”

Abasaba ko urumogi rwemerwa bavuga ko rufite ibyiza byinshi birimo kuvura kanseri ndetse no kugabanya ubukana bw’agakoko gatera SIDA.

 

Comments

 
 
U Buhinde: Abanyarwanda batsinze amarushanwa yo gukora imodoka ikoresha imirasire y’izuba
U Buhinde: Abanyarwanda batsinze amarushanwa yo gukora imodoka ikoresha imirasire y’izuba

Nubwo Kaminuza ya STES-Rwanda (Sinhgad Technical Education Society-Rwanda) iherereye mu Karere ka Kicukiro iri mu zahagaritswe by’agateganyo na Minisiteri y’Uburezi zitujuje ibyangombwa, (...)

USA: Trump yananiwe gushyiraho itegeko risimbura ’Obamacare’
USA: Trump yananiwe gushyiraho itegeko risimbura ’Obamacare’

Perezida wa Leta Zunze Ubumwe za Amerika, Donald Trump, ku munota wa nyuma yanze ko inteko ishinga amategeko itora itegeko rigena uko Abanyamerika bivuza yari yashyizeho ngo risimbure ACA (...)

Centrafrique: Abasaga 20 baguye mu mirwano hagati y’imitwe yitwaje intwaro
Centrafrique: Abasaga 20 baguye mu mirwano hagati y’imitwe yitwaje intwaro

Abantu babarirwa muri 20 biganjemo abasivili baguye mu mirwano hagati y’imitwe yitwaje intwaro mu gace ka Bakouma muri Centrafrique muri iki cyumweru. AFP ivuga ko iyo mirwano yatangiriye mu (...)

Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Umuvugizi wa Polisi ya Uganda yarashwe arapfa
Umuvugizi wa Polisi ya Uganda yarashwe arapfa

AIGP Andrew Felix Kaweesi, umuvugizi wa Polisi ya Uganda yishwe arashwe mu gitondo cyo kuri uyu wa 17 Werurwe 2017. The New Vision ivuga ko yari imbere yiwe, ahitwa Kulambiro mu mujyi wa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.