Advertisement
 
 
 
 
 
 
 
 

Amakuru | Mu Mahanga

Perezida Museveni yarezwe mu rukiko mpuzamahanga mpanabyaha (ICC)   

  Yanditswe na IMVAHO NSHYA
 3 months ago

 
 

Urukiko mpuzamahanga mpanabyaha, ICC ruratangaza ko rwakiriye ikirego abayobozi bo mu karere ka Kasese barezemo Perezida wa Uganda, Yoweri Museveni.

Aba bayobozi bashinja Museveni ubwicanyi bwakozwe n’abapolisi ba Uganda mu Gushyingo 2016, ubwo bagabaga igitero ku ngoro y’umwami wa Rwenzururu, abantu basaga ijana bakahasiga ubuzima.

Depite Winnie Kizza uhagarariye Kasese mu nteko ishinga amategeko yavuze ko yabonye ubutumwa bw’umushinjacyaha wa ICC Fatou Bensouda bwemeza ko yakiriye ikirego cyabo kandi agiye kukigaho nk’uko KFM Uganda ibitangaza.

JPEG - 72.1 kb
Perezida wa Uganda Yoweri Kaguta Museveni

Kizza avuga ko ICC izabamenyesha niba yafashe umwanzuro wo kugikurikirana binyuze mu nyandiko.

Abaregwa ni Museveni, na baminisitiri Asuman Mugenyi a Peter Ecweru, bose bashinjwa ibyaha byibasiye inyoko muntu.

Uyu mudepite avuga ko bafite icyizere ko ICC izaburanisha Museveni, kugira ngo ababuriye ababo muri ubwo bwicanyi bahabwe ubutabera.

Kiiza ahamya ko abapolisi bishe abantu babarirwa mu 130 barimo abagore n’abana ubwo bagabaga igitero ku ngoro y’umwami wa Rwenzururu Omusinga Charles Mumbere ku ya 26 no ku ya 27 Ugushyingo 2016.

Polisi ya Uganda ivuga ko yari ije gukumira umutwe witwaje intwaro wari uherutse kwica abapolisi muri ako gace.

 

Comments

 
 
Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Uwa Gatanu Mutagatifu: Babambwe n’imisumari nyayo bibuka ububabare bwa Yezu
Uwa Gatanu Mutagatifu: Babambwe n’imisumari nyayo bibuka ububabare bwa Yezu

Mu gihe hirya no hino ku Isi abakirisitu bizihije umunsi wa wa Gatanu Mutagatifu, mu gihugu cya Philippines, bamwe babambwe ku musaraba n’imisumari. Imisumari bakoresheje bamubamba ni iya (...)

Koreya ya Ruguru, itumvikana na USA, yerekanye ingufu zayo za gisirikare
Koreya ya Ruguru, itumvikana na USA, yerekanye ingufu zayo za gisirikare

Koreya ya Ruguru yerekanye ububasha bwayo bwa gisirikare mu murwa mukuru Pyongyang kuri uyu wa Gatandatu ubwo yizihizaga ‘Umunsi w’Izuba.” Ni mu gihe hatutumba umwuka mubi hagati y’icyo gihugu na (...)

USA: Umuyisilamukazi wa mbere wabaye umucamanza mukuru yishwe
USA: Umuyisilamukazi wa mbere wabaye umucamanza mukuru yishwe

Sheila Abdus-Salaam, umugore wabaye umucamanza wa mbere w’Umuyisilamu mu mateka ya Leta Zunze Ubumwe za Amerika yasanzwe yarapfuye ku wa Gatatu mu mugezi wa Hudson uri mu mujyi wa New York. (...)

Abanyarwanda biga mu Bushinwa bibutse Jenoside yakorewe Abatutsi
Abanyarwanda biga mu Bushinwa bibutse Jenoside yakorewe Abatutsi

Abanyeshuri biga muri za kaminuza ziherereye mu mujyi wa Shenyanga mu Bushinwa, ku wa 9 Mata 2017, bahuriye mu gikorwa cyo kwibuka Jenoside yakorewe Abatutsi mu 1994. Shenyang n’umujyi uri mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.