2017-06-27 12:16:32 clouds 27o High | Kigali Rwanda

Dukurikire:
 
 

London: Abantu 30 nibo bamaze kwicwa n’inkongi yibasiye inyubako, umubare uracyiyongera

Yanditswe na IMVAHO NSHYA

Kuya 2017-06-16 12:10:01

 
Share on:
 
Yasuwe:459
 
Yavuzweho:200
 
10
 
10

Abantu bishwe n’inkongi y’umuriro yibasiye inyubako ya Grenfell Tower bamaze kuba 30 ariko polisi ivuga ko uwo mubare ushobora kwiyongera.

Polisi y’u Bwongereza ivuga ko hakiri abantu basaga 70 baburiwe irengero kuva ku wa gatatu ubwo iyo nkongi yatangiraga, bikekwako bahiye bagakongoka ku buryo imibiri yabo itazabasha kuboneka nk’uko The Telegraph ibitangaza.

Abandi 24 baracyari mu bitaro, naho 12 muri bo bamerewe nabi cyane. Umuyobozi wa Polisi mu mujyi wa London, Stuart Cundy, yavuze ko mu bapfuye harimo umwe waguye mu bitaro.

Ati ariko “Kugeza ubu nta na kimwe kitwereka ko iyo nyubako yatswitswe n’umuntu ku bushake.”

Ejo nyuma ya saa sita, itsinda ry’abashakagamo uwaba yarokotse n’ibisigazwa ry’abapfuye ryahagaritse akazi kuko inkongi yongeye gukaza umurego. Kugeza ubu ntiriragera mu magorofa yo hejuru mu nyubako aho bikekwa ko haguye abantu benshi.

Minisitiri w’Intebe, Theresa May yategetse ko hakorwa iperereza nyuma y’uko bigaragaye ko iyo nyubako yagiye ivugwaho ko ishaje ariko ntihagire igikorwa ngo inenge zayigaragayeho zikosorwe.

Umwamikazi Elisabeth II n’Igikomangoma William muri iki gitondo basuye bamwe mu bagezweho n’ingaruka z’iyo nkongi.

JPEG - 31.1 kb
Ababuze ababo bakomeje gushengurwa n’agahinda
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE