2017-06-27 12:16:32 clouds 27o High | Kigali Rwanda

Dukurikire:
 
 

U Rwanda rwegukanye imidali 2 ya zahabu mu mikino ya Gisirikare

Yanditswe na

Kuya 2015-08-26 18:06:48

 
Share on:
 
Yasuwe:31484
 
Yavuzweho:200
 
10
 
10

Uyu munsi taliki 26 Kanama 2015 ni bwo imikino ya Gisirikare ihuza ibihugu byo muri aka Karere k’Afurika y’u Burasirazuba “EAC Military Games 2015” isozwa. U Rwanda rwegukanye imidaLi ibiri ya zahabu.

U Rwanda rwari ruhagarariwe mu mikino 5 itandukanye irimo umupira w’amaguru, Basketball, Handball, Netball no gusiganwa ku maguru. U Rwanda rero rwitwaye neza rwegukana imidali ibiri ya zahabu muri Basketball no muri Handball. Ikipe y’u Rwanda muri Basketball yatsinze imikino 3 itsindwa umukino umwe w’u Burundi.

Mu mupira w’amaguru, biraza gusobanuka uyu munsi mu gusoza iyi mikino. Ikipe y’u Rwanda yasoje imikino yose aho ifite amanota 7 mu gihe Uganda na Kenya zifite amanota 5.

[caption id="attachment_32749" align="alignnone" width="709"]Ikipe y'u Rwanda muri Basketball bambikwa imidali ya zahabu Ikipe y’u Rwanda muri Basketball bambikwa imidali ya zahabu[/caption]

Uyu munsi rero Kenya na Uganda zirakina, ziramutse zinganyije, ikipe y’u Rwanda yafata umwanya wa mbere mu gihe imwe muri izi yatsinda, ikipe y’u Rwanda yafata umwanya wa kabiri.

Mu kwiruka ku maguru, u Rwanda ruri ku mwanya wa 3 inyuma ya Kenya na Uganda. Abakobwa basiganwe ibilometero 8 naho abahungu basiganwa ibilometero 12. Muri Netball mu bakobwa, u Rwanda rwafashe umwanya wa 4 mu gihe Uganda ari yo yegukanye umudali wa zahabu.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE