2017-12-14 06:12:25 clouds 27o High | Kigali Rwanda

Dukurikire:
 
 

Gitifu w’Akarere ka Nyanza aritaba urukiko

Yanditswe na Admin

Kuya 2015-11-10 14:39:06

 
Share on:
 
Yasuwe:94
 
Yavuzweho:200
 
10
 
10

Umunyamabanga Nshingwabikorwa w’Akarere ka Nyanza, John Habimana Kayijuka, aritaba urukiko ku nshuro yambere kuri uyu wa 10 Ugushyingo 2015, kugira ngo abazwe ku byaha akekwaho by’ubufatanyacyaha mu bikorwa byo kunyereza umutungo wa Leta ungana na miliyoni zisaga 50 z’amafaranga y’u Rwanda.

Umuvugizi w’Ubushinjacyaha Alain Mukurarinda aherutse kubwira itangazamakuru ko Habimana yafashwe ku wa 2 Ugushyingo nyuma y’idosiye yakozwe na Polisi, ubu akaba afungiwe kuri Sitasiyo ya Polisi ya Ngoma mu karere ka Huye, ku wa Gatanu w’icyumweru gishize akaba aribwo yamenyeshejwe ibyo aregwa.

Mukurarinda ati “Ubushinjacyaha bwaramuhamagaye ngo bumubaze ku byo aregwa, bufata icyemezo cyo kumufata mu gihe iperereza rigikomeza.”

Mukurarinda kandi yakomeje avuga ko ubushinjacyaha bwamenye ko uwari umuyobozi ushinzwe imari n’ubutegetsi mu karere, Jean Damascène Nsabihoraho, ari we ntandaro y’inyerezwa ry’ayo mafaranga, waje kuburirwa irengero, ubu akaba agishakishwa.

Nk’uko Ubushinjacyaha bubivuga, ngo Nsabihoraho yatwaye amafaranga inshuro ebyiri, nyuma ku nshuro ya 3 yiyandikira inyandiko imuhesha amafaranga nyuma yuko Umunyamabanga Nshingwabikorwa w’ Akarere ka Nyanza amaze kuyishyiraho umukono, ari na byo bimenyetso Ubushinjacyaha buheraho bumukekaho ubufatanyacyaha mu bikorwa byo kunyereza umutungo.

Mukurarinda ati “Gitifu w’ Akarere akurikiranyweho ubufatanyacyaha mu kunyereza umutungo wa Leta kubera ko yasinye ko ayo mafaranga atangwa, maze ashyirwa kuri konti y’ushinzwe imari ari nawe wayabikuje.”

Amafaranga Nsabihoraho akurikiranyweho agera kuri miliyoni 58 z’amafaranga y’u Rwanda, Umunyamabanga Nshingwabikorwa w’Akarere ka Nyanza we akaba yarasinyiye agera kuri miliyoni 20.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE