23°C , Intermittent clouds | Kigali-Rwanda

Amagare: Uhiriwe Byiza Renus yegukanye Rwanda Cycling Cup 2019

Yanditswe na BUGINGO FIDELE

Ku ya 07-12-2019 saa 21:08:15
Uhiriwe Byiza Renus wegukanye Rwanda Cycling Cup 2019

Abakuru (126.8 km)

1. Munyaneza Didier 03h20’55”
2. Areruya Joseph 03h21’52”
3. Manizabayo Eric 03h21’52”
4. Nkurunziza Yves 03h22’08”
5. Ngendahayo Jeremie 03h22’20”

Ingimbi (113.4 km)
1. Hategekimana Jean Bosco 03h07’16”
2. Kwizera Innocent 03h07’33”
3. Tuyizere Etienne 03h07’40”

Abagore (100.6 km)
1. Ingabire Diane 03h14’14”
2. Mukundente Genevieve 03h14’15” 01″
3. Nzayisenga Valentine 03h14’23”

Tariki 07 Ukuboza 2019 ni bwo habaye isiganwa risoza “Rwanda Cycling Cup 2019”, amasiganwa ategurwa n’ishyirahamwe ry’umukino wo gusiganwa ku magare mu Rwanda “FERWACY” ku bufatanye na Skol na Cogebanque aho Uhiriwe Byiza Renus yegukanye umwanya wa mbere muri rusange.

Iri siganwa ryari  irya 8, abasiganwe mu byiciro byose bahagurukiye Kimironko bakomereza mu cyanya k’inganda i Masoro bakomeza berekeza Rwamagana barakata baragaruka aho abakobwa bahise basoza, mu ngibi bazenguruka inshuro 1 (Kimironko – Zindiro – Economic Zone – Kigali Parents School – Kimironko) naho abakuru n’abaterengeje imyaka 23 bahazenguruka inshuro 2.

Mu bakuru n’abaterengeje imyaka 23 “Men Elites & U-23”, Munyaneza Didier ukinira ikipe ya Benediction ni we wegukanye umwanya wa mbere aho yakoresheje amasaha 3, iminota 20 n’amasegonda 55 mu ntera ya kirometero 126,8.

Ku mwanya wa kabiri  hasoreje Areruya Joseph  wakoresheje amasaha 3, iminota 21 n’amasegonda 52 aho yahagereye rimwe na Manizabayo Eric. Munyaneza akaba ari isiganwa rya 3 yari yegukanye nyuma y’iriheruka ryabereye i Musanze ndetse n’iryakiniwe i  Rubavu.

Mu kiciro k’ingimbi “Men Juniors” mu ntera ya kirometero 113.4,  Hategekimana Jean Bosco ukinira ikipe ya  Les Amis Sportifs ni we waje ku mwanya wa mbere akoresheje amasaha 3, iminota 7 n’amasegonda 16 yakurikiwe na Kwizera Innocent  ukinira Kigali CC naho ku mwanya wa 3 haza Tuyizere Etienne ukinira ikipe ya Nyabihu CT.

Mu bagore basiganwe intera ya kirometero 106,6 maze  Ingabire Diane ukinira Benediction  yegukana umwanya wa mbere aho yakoresheje  amasaha 3, iminota 14 n’amasegonda 14. Iri rikaba ari isiganwa rya 4 yari yegukanye yikurikiranya nyuma ya Huye, Muhanga ndetse na Musanze. Yakurikiwe na Mukundente Genevieve na Nzayisenga Valentine bose bakinana muri Benediction.

Nyuma y’iri siganwa rya nyuma, Uhiriwe Byiza Renus  ukinira Benediction ni we wasoje ari uwa mbere yegukana Rwanda Cycling Cup 2019  aho afite amanota 138 akaba yakurikiwe na  Nsengiyumva Shemu ikinira ikipe ya Les Amis Sportifs  y’i Rwamagana   n’ amanota 119.

Uhiriwe   yavuze ko yishimiye uko uyu mwaka wamugendekeye kandi yiteguye gukomeza gukora kugira ngo azabashe  gukina Tour du Rwanda 2020.

Mu bakobwa, Ingabire Diane  ukinira Benediction  ni we  wegukanye  umwanya wa  mbere  n’amanota   64 mu gihe mu ngimbi “Men Juniors”, Hategekimana Jean Bosco ukinira ikipe ya Les Amis Sportifs yasoje ari  uwa mbere  n’amanota 55.

Muri rusange, ikipe ya Benediction ni yo yegukanye umwanya wa mbere mu bakuru n’abatarengeje imyaka 23 ndetse no mu bakobwa mu gihe ikipe ya Les Amis Sportifs y’i Rwamagana ari yo yabaye iya mbere mu kiciro k’ingimbi.

Mu kiciro cy’abakuru ubwo bari mu isiganwa risoza

Mugisha Samuel atera morari umwana muto urimo gukina umukino gukina umukino wo gusiganwa ku magare mu kiciro cy’abakobwa

Munyaneza Didier ubwo yegukanaga intera ya nyuma Rwanda Cycling Cup 2019

Ashyikirizwa igihembo na Skol

Byari ibyishimo kuri Munyaneza wegukanaga isiganwa rye rya 3

Hategekimana Jean Bosco wegukanye intera ya nyuma mu kiciro k’ingimbi

Ingabire Diane wabaye uwa mbere mu bagore

Murenzi Emmanuel wari uhagarariye FERWACY yashimiye abaterankunga ba Rwanda Cycling 2019, Skol na na Cogebanque

Ingabire Diane wegukanye Rwanda Cycling 2019

Hategekimana Jean Bosco wegukanye Rwanda Cycling Cup 2019 mu kiciro k’ingimbi

Ikipe ya Les Amis Sportifs y’i Rwamagana ni yo yabaye iya mbere mu ngimbi

Benediction yabaye iya mbere mu kiciro cy’abagore

Mu bakuru n’abatarengeje imyaka 23, Benediction ni yo yegukanye umwanya wa mbere muri Rwanda Cycling Cup 2019

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.