18°C , Partly cloudy | Kigali-Rwanda
Areruya Joseph nyuma yo kwegukana La Tropicale Amissa Bongo 2018 agiye kujyana n'ikipe y'abatarengeje imyaka 23 muri Cameroun

Amagare:   Ikipe y’u Rwanda y’abatarengeje imyaka 23 igiye kwitabira isiganwa muri Cameroun

Yanditswe na BUGINGO FIDELE

Ku ya 26-01-2018 saa 08:18:05

Tariki 31-01-2018

Douala-Douala (92 km)

Tariki 01-02-2018

Idenao-Douala (147 km)

Tariki 03-02-2018

Yaoundé-Yaoundé (101,8 km)

Tariki 04-02-2018

Akono-Yaoundé (80,5 km)

Kuva tariki 31 Mutarama kugeza 04 Gashyantare 2018 muri Cameroun hazabera isiganwa  ry’abatarengeje imyaka  23  rizitabirwa n’ibihugu bitandukanye by’Afurika «Tour de l’espoir 2018».

Areruya Joseph nyuma yo kwegukana La Tropicale Amissa Bongo 2018 agiye kujyana n’ikipe y’abatarengeje imyaka 23 muri Cameroun

Kugeza ubu iri siganwa rizitabirwa n’amakipe 15 arimo n’ikipe y’igihugu y’u Rwanda izaba igizwe n’abakinnyi 6 bayobowe na Areruya Joseph uherutse kwandika amateka akegukana isiganwa rikomeye muri Afurika «La Tropicale Amissa Bongo 2018».

Areruya azaba ari kumwe na Mugisha Samuel bakinana mu ikipe ya Dimension Data for Qhubeka ariko ubu bakaba barimo gukinira ikipe y’igihugu y’u Rwanda. Uretse aba bakinnyi iyi kipe izaba irimo  Hakiruwizeye Samuel, Ukiniwabo Rene, Munyaneza Didier na Ruberwa Jean Damascene bari kumwe na Areruya muri Gabon.

Iyi kipe y’u Rwanda  izahaguruka mu Rwanda ku wa Mbere tariki 29 Mutarama 2018. Iyi kipe izajyana  na Sterling Magnell nk’umutoza mukuru,  Theoneste Karasira uzaba ari umukanishi na  Ruvogera Obed ushinzwe kunanura imitsi abakinnyi.

Iri siganwa ni ubwa mbere rigiye kuba

Iri siganwa nk’uko tubikesha urubuga « www.voila-moi.com » ryateguwe  na VIVENDI ; sosiyete yo mu Bufaransa ikora ibikorwa bitandukanye iby’itangazamakuru   dore ko ari nayo ifite  Canal +. Iyi sosiyeteye ikaba  yarafatanyije n’ishyirahamwe ry’umukino wo gusiganwa ku magare muri Cameroun ndetse n’ishyirahamwe ry’uyu mukino ku isi «UCI». Imijyi ibiri ariyo Douala  na  Yaoundé ni yo izaberamo iri  siganwa rigiye kuba ku nshuro ya mbere.

Amakipe 15 ni yo ashobora kwitabira

Uretse ikipe ya Cameroun izaba iri mu rugo  hari n’amakipe  yemeje ko azitabira ari yo  Algérie, Burkina-Faso, Maroc, u Rwanda, Afurika y’Epfo, Tunisie, Côte d’Ivoire, RDC,  Mali, Eritrea, Ethiopia na Vietnam. Iri siganwa rizatambuka  kuri Canal+. Aba bakinnyi  batarengeje imyaka 23 bazasiganwa intera 4  aho bazasoza bakoze ibilometero 417.

TANGA IGITEKEREZO

Leave a Reply

Be the First to Comment!

avatar