18°C , Showers | Kigali-Rwanda
Umutoza, Simon Hupperetz (uwa kabiri uhereye iburyo), umuyobozi w'ikipe, Munyankindi (ibumuso) n'abakinnyi, Uwizeyimana na Manizabayo (hagati) mu kiganiro n'abanyamakuru

Amagare : Ikipe ya Benediction  yiteguye  kwitwara neza muri Afurika y’Epfo

Yanditswe na BUGINGO FIDELE

Ku ya 12-05-2019 saa 19:56:55

Tariki 15-05-2019

Bela Bela-Polokwane (172 km)

Tariki 16-05-2019

Polokwane- Tzaneen (96 km)

Tariki 17-05-2019

Tzaneen- Tzaneen (28.8 km)

Tariki  18-05-2019

Tzaneen-Polokwane (116 km)

Ikipe ya Benediction Excel Energy     kuri uyu wa Mbere tariki 13 Gicurasi 2019  ni bwo ihaguruka mu Rwanda yereje mu mujyi  wa Polokwane muri Afurika y’Epfo na RwandAir  aho igiye kwitabira isiganwa mpuzamahanga  ry’iminsi 4 “Tour de Limpopo 2019”.

Iri siganwa riri ku kigero cya 2.2 rizatangira tariki 15 risozwe tariki 18 Gicurasi 2019.

Mbere yo kwerekeza muri Afurika y’Epfo, umutoza w’iyi kipe, Simon Hupperetz   yatangaje ko biteguye cyane kandi  bizera ko bazitwara neza   aho bafite intego yo kwegukane byibura intera ndetse n’irushanwa ryose muri rusange.

Yakomeje avuga ko  bajyanye ikipe yiganjemo abakinnyi bakiri bato ariko harimo n’abandi basanzwe bamenyereye.

Ku ruhande rw’umuyobozi w’ikipe ya Benediction Excel Energy, Munyankindi Benoit  yavuze ko iri ari irushanwa rya  mbere iyi kipe igiye  kwitabira hanze y’igihugu nyuma yo kuba ikipe  y’ababigize umwuga ku rwego mpuzamahanga “Continental Team”.

Nawe avuga akurikije imyiteguro abakinnyi bagize hari  ikizere cyo kwitwara neza. Ati : “Ikizere kirahari ko abakinnyi bacu bazitwara neza. Ikipe igiye yiganjemo abakinnyi bakiri bato  ariko harimo n’abafite ubunararibonye bazagenda babafasha kuzamura urwego rw’imikinire.”

Munyankindi kandi yashimiye abaterankunga barimo Excel Energy, Inyange, Rwandair  n’abandi.

Uwizeyimana Bonaventure uzaba ayoboye bagenzi be atangaza ko  muri Afurika yahabaye  ko n’ubwo ririya rushanwa ari ubwa mbere azaba arikinnye ariko yiteguye gufatanya na bagenzi be  kugira ngo bazegukane  insinzi.

Iri rushanwa “Tour de Limpopo 2019” rizitabirwa n’amakipe agera kuri 20 arimo n’ikipe ya Dimension Data for Qhubeka yo muri Afurika y’Epfo ikaba ibarizwa mu Butaliyani. Iyi kipe izaba  irimo Mugisha Samuel wakiniye Benection Club akaba  anakinira ikipe y’igihugu.

Abakinnyi  bagiye kwerekeza muri Afurika y’Epfo

Aba ni Uwizeyimana Bonaventure, Nsengimana Jean Bosco, Manizabayo Eric, Nkurunziza Yves, Nzafashwanayo Jean Claude na Munyaneza Didier.

Umutoza, Simon Hupperetz (uwa kabiri uhereye iburyo), umuyobozi w’ikipe, Munyankindi (ibumuso) n’abakinnyi, Uwizeyimana na Manizabayo (hagati) mu kiganiro n’abanyamakuru

TANGA IGITEKEREZO

Leave a Reply

Your email address will not be published. Required fields are marked *