22°C , Partly cloudy | Kigali-Rwanda

Amagare: Barhane agiye kongera kwitabira la Tropicale Amissa Bongo nyuma y’imyaka 6

Yanditswe na Bugingo Fidèle

Ku ya 13-01-2020 saa 10:23:37
Natnael Barhane ufiye kwitabira La Tropicale Amissa Bongo nyuma y'imyaka 6

Kuva tariki 20 kugeza 26 Mutarama 2020 muri Gabon hazabera irushanwa mpuzamahanga ry’umukino wo gusiganwa ku magare «La Tropicale Amissa Bongo 2020» rizaba ribaye ku nshuro 15.

Iri rushanwa rizitabirwa n’amakipe 15 harimo ikipe ya Cofidis iri ku rwego rw’amakipe y’ababigize umwuga ku rwego rwo hejuru “UCI World Tour”. Iyi kipe izaba igizwe na  Fine Eddy, Lafay Victor, Morin Emmanuel, Perichon Pierre Luc,  Viviani Attilio na Natnael Barhane ukomoka muri Eritrea.

Uyu mukinnyi ufite imyaka 29 y’amavuko agiye kongera kwitabira iri rushanwa nyuma y’imyaka 6 kuko yaherukaga muri 2014 ubwo  yakiniraga ikipe ya  Europcar mu Bufaransa. Muri iri risiganwa ry’uyu mwaka wa 2020 ari mu bakinnyi bitezweho kwitwara neza ndetse akaba yakongera kwegukana iri siganwa.

Natnael Barhane wegukanye shampiyona y’igihugu muri Eritrea muri 2014 yakiniye ikipe ya Europcar muri 2013-2014 nyuma ava muri iyi kipe yerekeza mu ikipe ya MTN Qhubeka ubu yahindutse NTT Pro Cycling kuva muri 2015 kugeza mu 2018. Kuva muri 2019 akaba ari bwo yatangiye gukinira ikipe ya Cofidis.

Amakipe azitabira isiganwa muri rusange

Iri siganwa 2020 rizitabirwa n’amakipe 15 ari mu byiciro bitandukanye birimo ayo ku rwego rwo hejuru mu babigize umwuga «World Tour»,  «UCI Continental Pro», «UCI Continental» ndetse n’amakipe y’ibihugu byo muri Afurika.

Aya makipe ni Cofidis (France)  iri mu kiciro cy’amakipe yo ku rwego rwo hejuru  “UCI World Tour”, Total-Direct Energie (France)  na Nippo Delko One Provence (France)  ari mu rwego  rwa « UCI Continental Pro », Natura4ever-Roubaix Lille Metropole (France), Dukla Banska Bystrica (Slovakia), BAI-Sicasal (Angola)  na Pro Touch (South Africa) ari mu rwego rwa “UCI Continental”

Hari kandi amakipe 8 y’ibihugu arimo Algeria, Burkina Faso, Cameroun, Eritrea, Gabon, Cote d’Ivoire, Maroc n’u Rwanda.

Abasiganwa bazaba ari 90 aho bazaba baturutse mu bihugu 20. Bazasigwa intera 7 basoze bakoze kirometero 1035.

Muri 2019, umutaliyani, Bonifazio Niccolò ukinira ikipe ya Total Direct Energie yo mu Bufaransa ni we wegukanye iri siganwa.

Umwanditsi:

Bugingo Fidèle

Tanga Igitekerezo

Email yanyu ntigaragazwa ku rubuga. Amazina na Email ni ngombwa.