17°C , Partly sunny | Kigali-Rwanda
Areruya Joseph uri mu ikipe y'u Rwanda izitabira La Tropicale Amissa Bongo 2018

Amagare: Areruya mu bakinnyi bazaserukira u Rwanda muri Gabon

Yanditswe na admin

Ku ya 27-12-2017 saa 12:41:21

Tariki 15 01 2018

Kango-Lambaréné (146 km)

Tariki 16-01-2018

Ndendé- Fougamou (173 km)

Tariki 17-01-2018

Fougamou-Lambaréné (114 km)

Tariki 18-01-2018

Ndjolé-Mitzic (182 km)

Taliki 19-01-201

Oyem-Ambam (141 km)

Tariki 20-01-2018

Bitam-Oyem (115 km)

Taliki 21-01-2018

Bikélé-Libreville (140 km)

Areruya Joseph wegukanye Tour du Rwanda  2017 ari ku rutonde rw’abakinnyi 6 bazaserukira u Rwanda mu irushanwa ritangiza umwaka w’imikino  rizabera muri Gabon “La Tropicale Amissa  Bongo 2018”   kuva tariki 15 kugeza 21 Mutarama 2018

Uyu mukinnyi w’imyaka 21 y’amavuko usanzwe ari umukinnyi w’ikipe ya kabiri ya Dimension Data for Qhubeka we na mugenzi we, Mugisha Samuel bongerewe amasezerano y’umwaka muri iyi kipe bakiniye umwaka wa 2017. Gusa  mbere yo kwerekeza mu Butaliyani muri Werurwe 2018, aba bakinnyi, umutoza wabo yabemereye ko bakinira ikipe y’igihugu y’u Rwanda.

Muri iri siganwa rya mbere muri Afurika dore ko riri ku rwego rwa 2.1, ikipe y’u Rwanda izaserukirwa na Areruya Joseph,  Ndayisenga Valens, Uwizeyimana Bonaventure, Ukiniwabo René Jean Paul , Ruberwa Jan Damascène na Munyaneza Didier.

Iri rushanwa ryatangiye kuba muri 2006, ikipe y’u Rwanda yitabiriye ku nshuro ya mbere mu 2009. Muri 2014 ni bwo ikipe y’u Rwanda yakoze amateka ubwo Uwizeyimana Bonaventure yegukanaga  intera ya 5 kuva ahitwa Kango kugera Lambaréné .

Amakipe azitabira

La Tropicale Amissa  Bongo 2018 izitabirwa n’amakipe 15 arimo  3 y’ababigize umwuga ku mugabane w’u Burayi  akaba anitabira amarushanwa akomeye “UCI Continental Pro” ari yo Direct Energie, Delko Marseille Provence KTM (France) na  Wilier-Tristina (Italy). Hari kandi n’andi abiri nayo y’ababigize umwuga « UCI Continental” ari yo Sporting Tavira (Portugal) na Bike Aid (Germany).

Iri siganwa rizitabirwa n’amakipe y’ibihugu 9  byo muri Afurika ari byo Gabon, Burkina Faso, Cameroun, Cote d’Ivoire, Eritrea, Ethiopia, Maroc, Mauritius, Tunizia n’u Rwanda hakiyongeraho n’ikipe ya Sovac-Natura4Ever  yo muri Algeria yasimbuye Mauritius.

BUGINGO FIDELE

 

TANGA IGITEKEREZO

Leave a Reply

Your email address will not be published. Required fields are marked *