19°C , Mostly cloudy | Kigali-Rwanda

Aho umuhanzi Donks yifuza kugera muri muzika ye

Yanditswe na Ndamyirokoye François

Ku ya 11-07-2019 saa 13:14:47
Umuhanzi Donks

Byiringiro Oswald ukoresha mu buhanzi izina rya Donks yatangarije Imvaho Nshya ko abonye abamushyigikira mu buhanzi bwe yagera kure dore ko avuga ko umuziki akora awufiteho ubumenyi ngo kuko akomeje no kuwiga.

Uyu muhanzi avuga ko yiyemeje gukora ibihangano byiza ko kandi ari byo bizamugeza kure ku rwego yifuza kugeraho.

Ati “Niyemeje kuzajya nkora ibihangano byiza ku buryo abantu bazajya babyishimira kandi bizagenza kure”.

Uyu muhanzi avuga ko yatangiye kwiga umuziki muri Uganda nyuma aza gukomereza kuwiga aha mu Rwanda mu mujyi wa Kigali.

Abahanzi akunda hano mu Rwanda avuga ko aramutse akoranye nabo cyangwa agakorana na bo byamufasha ni Uncle Austin ndetse na Dj Pius.

Umuhanzi akunda ukuntu aririmba muri Afurika yavuze ko ari Burna Boy ngo naho ku rwego rw’Isi abahanzi akunda harimo Chris Brown.

Kugeza ubu amaze gusohora indirimbo imwe ngo ariko afite n’izindi zirimo gutunganywa mu nzu zitunganya umuziki.

Donks kandi yavuze ko aririmba mu njyana zitandukanye zirimo Afrobeat.

Gutangira gusohora indirimbo avuga ko yabitangiye nyuma y’uko yari asoze amashuri yisumbuye.

Kuba umuhanzi yiga umuziki avuga ko bimufasha cyane kuko hari ubumenyi afite bitandukanye n’undi ukora ubuhanzi atari umuziki.

Umuhanzi Donks

Tanga Igitekerezo

Email yanyu ntigaragazwa ku rubuga. Amazina na Email ni ngombwa.