21°C , Partly sunny | Kigali-Rwanda

Abarwayi ba Koronavirusi mu Rwanda bageze ku 102

Yanditswe na Imvaho Nshya

Ku ya 04-04-2020 saa 19:18:40

Kuri uyu wa Gatandatu, hagaragaye abandi bantu 13 barwaye Coronavirus, bitumma umubare w’bayirwaye mu Rwanda ugera ku 102.

Nk’uko bigaragara ku itangazo rya Minisiteri y’Ubuzima, abatahuweyo ico cyorezo ni abarwayi babiri baturutse i Dubai, abandi 2 baturutse muri Turikiya n’abandi icyenda batahuwe ko bahuye n’abandi barwaye Koronavirusi mu Rwanda.

Minisiteri y’Ubuzima ivuga ko abagaragayeho COVID–19 bahise bashyirwa mu kato kandi hakomeje gushakishwa abantu bahuye na bo kugira ngo basuzumwe ndetse bitabweho n’inzego z’ubuzima.

Abanyarwanda barasabwa gukomeza kwitwararika no kubahiriza amabwiriza y’inzego z’ubuzima cyane cyane hitabwa ku gukaraba intoki n’amazi meza n’isabune kandi hanubahirizwa intera ya metero imwe hagati y’abantu.

Abanyarwanda n’abahatuye mu buryo bwemewe n’amategeko baturuka hanzey’Igihugu bahita bashyirwa mu kato mu gihe k’iminsi 14 guhera igihe bagereye mu Rwanda.

Imibare yatangajwe uyu munsi ku rwego mpuzamahanga yerekana ko abamaze kwandura COVID-19 ku Isi bangana na 1,188,487, abayikize bakaba ari 244,448 na ho abamaze guhitanwa na yo ni 64,103.

 

Image

Amakuru mashya y’uko bihagaze mu mu bihugu bigize Umuryango w’Afurika y’iburasirazuba:

 

Umwanditsi:

Imvaho Nshya

Tanga Igitekerezo

Email yanyu ntigaragazwa ku rubuga. Amazina na Email ni ngombwa.