20°C , Mostly cloudy | Kigali-Rwanda

Abarezi batize kwigisha baributswa ko igihe bahawe kirimo kurangira

Yanditswe na Mugisha Benigne

Ku ya 05-08-2019 saa 08:51:23
Dr Munyakazi Isaac, Umunyamabanga wa Leta ushinzwe amashuri y'inshuke

Umunyamabanga wa Leta muri Minisiteri y’Uburezi ushinzwe amashuri abanza n’ayisumbuye, Dr. Munyakazi Isaac yabwiye Abadepite bagize Komisiyo y’uburezi, ikoranabuhanga, umuco n’urubyiruko ko abarezi badafite impamyabumenyi zo kwigisha igihe bahawe kirimo kugera ku musozo, bityo umwaka utaha bakaba batezemererwa gukomeza akazi.

Dr Munyakazi ati “Tumaze igihe kitari gito twarasohoye amabwiriza avuga ko umurezi wese agomba kuba yarize kwigisha, utabyujuje akaba agomba kubyiga kugira ngo abe yujuje ibisabwa, igihe rero twabahaye kirimo kirashira, uzaba atarabikoze umwaka utaha nta bwo azahabwa umwanya.”

Dr Munyakazi avuga ko abarezi benshi bari bafite ikibazo bari bagerageje kubikora no gushaka uburyo bwo kwiga bakoresheje iya kure cyangwa ubundi, ariko ngo haracyari abandi batarabasha gukemura icyo kibazo.

Avuga ko abarezi mu mashuri abanza bize kwigisha bagera kuri 98.6% naho abo mu mashuri yisumbuye bujuje ibisabwa bakaba ari 76.5% ariko ngo bakaba barahawe umwanya wo kwiga kwigisha kugira ngo babe abarezi buzuye.

Avuga ko hari abari babashije kwiga mu mashuri makuru yigenga yigisha uburezi, bakabikora mu gihe k’ibiruhuko cyangwa nyuma y’amasaha y’akazi, ngo kandi Minisiteri y’Uburezi yabibafashijemo isaba ubuyobozi bwa Koperative Umwalimu Sacco gufasha abo barezi kubona inguzanyo ibafasha kwiga, kandi ayo bakurwaho yo kwishyura nanone ntabe menshi ngo azababere imbogamizi mu mibereho yabo.

Ati “Twabashishikarije kujya kwiga kwigisha ndetse tubasabira ubuyobozi bwa Koperative Umwalimu Sacco kuborohereza mu kubaha inguzanyo kandi bakabakata amafaranga make ku buryo imibereho yabo idahungabana.”

Dr Munyakazi avuga ko umwaka w’amashuri utaha wa 2020 nta murezi uzemererwa gusubira mu kazi atagaragaza impamyabumenyi y’uko yize kwigisha kuko ari wo mwaka bose bahawe, akaba ari mu rwego rwo gukomeza guteza imbere ireme ry’uburezi hatangwa akazi ku barezi bashoboye kandi bujuje ibisabwa.

Abadepite bemeza ko ingamba Minisiteri y’Uburezi ifite n’ibisobanuro byatanzwe kuri gahunda yo guteza imbere uburezi no gukemura ibibazo bibugaragaramo, bakaba basanga nibishyirwa mu bikorwa bizafasha kuzamura abana b’u Rwanda.

Depite Nyabyenda Damien avuga ko ingamba bagaragarijwe na Minisiteri y’Uburezi zifatika kandi ko nishyirwa mu bikorwa hari ikizere ko uburezi buzagenda neza.

Ati “Dufite ikizere cy’uburezi bw’abana b’u Rwanda buzagenda neza bugatera imbere, kuko bagiye gukora ibishoboka bakagabanya ubucucike mu mashuri, kongera ibyumba by’amashuri, gushishikariza abanyeshuri biga iby’uburezi kubikunda n’ingamba Leta yafashe yo gushyigikira abiga uburezi ndetse no kubaka amashuri y’inshuke.

Hon Nyabyenda avuga ko ingamba zagaragajwe na Minisiteri y’Uburezi zitanga ikizere ko ibibazo birimo bizarangira, uburezi bugatera imbere.

Dr Munyakazi Isaac, Umunyamabanga wa Leta ushinzwe amashuri y’inshuke

Umwanditsi:

Mugisha Benigne

59 Comments on “Abarezi batize kwigisha baributswa ko igihe bahawe kirimo kurangira”

  1. Ese ko hari abarezi bagiye kwiga ubu bakaba bakiri mo kwiga ndetse bamwe bageze mu mwaka usoza nabo ntibazemererwa kujya mu kazi? Aha ikibazo Nyakubahwa Minister yavuze kubuvugizi muri cooperative Umwalimu Sacco abayobozi ba Sacco ntibabyubahirije kuko hasotse itangazo rivugako ahubwo abo barezi batize uburezi badakwiriye guhabwa inguzanyo.

  2. Hari benshi babwize ariko ntibabahembe. Babanze babahembe abigisha bafite izo Diplome badahemberwa. Ndavuga cyane cyane abigisha Secondary

  3. Rero, kwiga kwigisha( Theories za education) ni ibintu bito cyane umuntu amenya bimworoheye, kd umaze imyaka yigisha aba abizi kurusha uwabiminujemo kuko yahuye nabyo bimuha ubunararibonye,
    £ Imyitwarire y’umurezi yo iterwa n’uburere yahawe akiri n’umwana sibyo yiga, guhoza kunkeke abarimu ngo bige izo theories nukubatangisha ama millions ntakindi, ubundi mwabahuguye kd ko basanzwe babizi, si aha ireme ry’uburezi ripfira, mwarayobye, mrc

  4. Iyi gahunda ni nziza ariko batekereze cyane cyane kubucucike ndetse birinde izindi mpinduka za curriculum . Cyakora bishobotse bakongera amasaha y’isomo ry’igifaransa

  5. None se ko ibyo byashoboka Ku barimu bari bamaze igihe mu Nazi byagenda bite Ku mwarimu wangajwe mu kwezi kwambere Ku yu mwaka

  6. Erega nyakubahwa ntago banze kwiga babuze ubushobozi kuko nubwo muvuga ko mwasabye sacco gutanga inguzanyo bitigezwe byubahirizwa NGO ntitwemerewe advance.

  7. Ibi ni byiza ariko hari bamwe bakiga kuburyo mugushyira mumyanya abarimu umwaka utaha bazaba batarasoza amasomo abandi batarabona ibyangombwa. Nkabiga post graduate muri UoK hari campus zitari gukora ibibazo bihari hagati ya uok na HEC bikaba bizatuma abahiga amasomo batazasoreza igihe.mudufashe

  8. Niba ariho ireme ry’uburezi riburira byaba ari byo. Ariko turebere no mu binding. Eg: nka volume z’ibitabo bihari, igihe zagenewe ndetse n’uburyo bw’imyigishirize.

  9. ubuse umwaka ko urangiye tutagira abarimu niyirukana abatarabwize nibwo azabona ababasimbura? ibyo avuga aba yicaye aho ntazi ibibera mucyaro.arabura gukemura ikibazo cyabana 90 mu ishuri akajya kwirukana abamaze imyaka 10 bigisha banatsindisha

  10. Izingamba zarizikwiye ariko icyo abayobozi bohejuru (central leaders) batamenye ni uko cooperative Umwalimu Sacco itariguha umuntu inguzanyo kandi asanzwe abafite India. Bityo ikintu gisaba amafr kugitunguza umuntu ntibimworohera.

  11. NI BYIZA KUKO IREME RY’UBUREZI RIGIYE KUBONEKA NIBA ABATUMA RITABONEKA TUGIYE GUKURWA MU KAZI. ARIKO NIBARIZE MINISTER MBESE NIBIRUKANA ABO BAREZI BATIZE UBUREZI HANYUMA IREME BASHAKA RIKABURA ABIRUKANYWE BAZAGARURWA MU KAZI? NONE SE ABAZIRUKANWA BAZAHABWA IMPEREKEZA? KUKI SE NTAWAGERAGEJE KUMENYA IBIBAZO TWAHUYE NA BYO MBERE YO KUDUSEZERERA NK’AHO NTA MUMARO TWAGIRIYE IGIHUGU? KUKI SE MINISTER ATINYUKA AKABESHYA ABADEPITE KO BASABYE SACCO KO YATUGURIZA AHUBWO KO SACCO YAHISE IDUFATA NK’AHO TUTARI ABANYAMURYANGO BAYO.

  12. NDIFUZA KO HATANGAZWA GAHUNDA ISOBANUTSE YO KUDUSEZERERA JYE NDI UMUREZI USHAKA KUMBAZA UKO MBYUMVA NDITEGUYE GUSA ABANYAMAKURU NA BO NTIBATUGERAHO SI BYIZA KO HATANGAZWA IBYAVUZWE NA MINISTER GUSA NATWE IBITEKEREZO BYACU HARI ICYO MBYAMARA

  13. Ni mwiturize,kwigisha ni umuhamagaro ,si level ahubwo bashakire abatarize uburezi amahugurwa gusa kuko ibyo bigisha ni byo bize muri za secondaries nta mwarimu utazi kwigisha kuko na District iguha akazi ikurikije ibyo wize,ntabwo rero kuba utarize uburezi byakwica ireme ryabwo.
    Ibyo yavuze binyuranye na p.m yavuze. ko nta mwarimu uzirukanwa ngo nuko atize uburezi.

  14. aba A1 bo ntabwo bemerewe kwiga post graduate cg aba A2. bamwe muribo bakomeje kwiga licence bazarangiza muri 2021. ubwo bazaba batabahemukiye.

  15. Ntabwo banze kwiga ahubwo Sacco yanze kubaha inguzanyo.Mandi Sacco yasohoye itangazo rikumira inguzanyo kubatarize uburezi.Ubworero muce inkoni izamba kuribo mubongerere igihe ariko bari mukazi.

  16. Ntabwo banze kwiga ahubwo Sacco yanze kubaha inguzanyo.kandi Sacco yasohoye itangazo rikumira inguzanyo kubatarize uburezi.Ubworero muce inkoni izamba kuribo mubongerere igihe ariko bari mukazi.

  17. Nibyiza gufata ingamba zo kuzamura ireme ryuburezi; ark mwarimu wigisha abana 90 ntareme ndikubona pe; keretse arimana imanutse ikabigisha kuko ivuga bikaba yategeka bikaba; nawe c Umunyeshuri akubita umwarimu,bakamugira igihano mwarimu yahana Umunyeshuri agafungwa; discipline yumunyeshuri niyitabweho kuku discipline nke yinjira ubumenyi nubushobozi tuvuga bisohoka

  18. Ibi bivuze ko nabigisha muri za kaminuza bibareba? Ubundi yabaga afite post graduate/master holder agatanga amasomo muri University hatitawe ko yize uburezi
    Cg birareba abigisha muri primary na secondary

  19. Ibi ni byiza ariko hatekerezwe n’ukuntu ababwize badahemberwa diplome zabo bazihemberwe kuko aribo bameke kuruta abavugwa.

  20. nonese ikibazo mfite ibyo docter Isaac avuze ko numva bihabanye cyane nibyo nyakubahwa prime minister yavuze mugihe gishize ? ese aho ntibaba batangiye kuvuguruzanya ? turamenya gute ukuri aho huherereye ko barimo baducanga

  21. Nyakubahwa Minister, byaba byiza abageze mu kazi vuba(2019) batize uburezi nabo bahawe amahirwe yo kwiga kuko nabo ni abakozi nk’abandi, niba tutagiye kwimika akarengane mu burezi bw’u Rwanda.

  22. Mwiriwe banywanyi b’uburezi!
    Nsomye izi commentaires ngira ompungenge:
    1)Hari abatekereza ko kurera (kwigisha)ari ikintu cyoroshye gishobora gukorwa n’umuntu ubonetse wese ngo ni uko yarangije icyiciro iki n’iki cy’amashuri.Ntabwo ari byo.Kwigisha ni “vocation perfectionnée”.
    2)Hari abandika ikinyarwanda ukibaza niba na bo barize,niba na bo bigisha bikakuyobera.
    3)Harya ubwo ubundi,kwiga ni inyungu za nde ku rwego rwa mbere?
    4)Abana bacu dushobora kuba tubarenganya iyo tubashakiraho ireme ry’uburezi kandi twagombaga kuribariza ku babigisha.Ese koko bose barabishoboye?

  23. Ahubwo ikitwa ireme niho kigiye kuzamba kuko ireme ntirishingiye nahato kubantu batize kwigisha. Nawe ndabizi ashobora kuba yarigishijwe congolaise kandi batabyize nubu duhora tubibibuka baradufashije pe. Ntabwo azi abana dufite mubyaro kumugani. Ubuse umwana azamara igihembwe yarabuze akajya gushakwa ngo agaruke mu ishuri kuko ari itegeko yimurwe kugahato k’abayobozi ngo bategereje ireme, njye ndarahiye ntaryo muteze kubona ahubwo bizarushaho kuzamba, ahubwo mutwegere tubabwire icyo gukorwa mudashaka kumva nkaho muri kuri terrain. Ikindi nutwirukana twarize uzi aho uzadushyira numwanya twataye dukorera Leta nkaho aritwe twishyize mukazi.Nkanjye nakoze ikizami muri domaine yanjye mpitamo kwihitiramo uburezi. Mujye mutekerereza igihugu ariko murebe n’ingaruka byagira kuwo mufatiye ibyemezo nk’ibyo ndetse n’igihugu muri rusanjye. Abana ni abanyarwanda kandi natwe turibo rero muzatwohereze muri domaine zacu abazikoramo nabo batarabyize babe removed. Please think big nkuko Nyakubahwa wacu ahora abitwibutsa ndanamwikundira byose azabishyira kumurongo

  24. Bwana Minister rwose ibyo mudukoreye, birababaje! Mwabigambiriye kuva kera none mubigezeho. nonese ko ubuzima bwa mwalimu, bwaribushingiye Ku ma credits ( inguzanyo ) twahabwaga muri Cooperative Umwalimu Sacco, mukaba mutwirukanye, izonguzanyo tutarazishyura, ese mwiteguye ute gukemura imanza z’abalimu na coop Umwalimu Sacco?

    Ese kwirukana Umwalimu umaze plus de 5ans mukazi ukangaja urangije ishuri nibyo byiza ?

    ESE tubatwayiki mwaturekeye mu kazi kacu ko ari Imana yakatwihereye?

    Ubwo koko muzatwirukana nta n’imperekeza?

  25. Nyakubahwa muhagarike kwinjiza abatarize uburezi naho gukuramo abadafite impapuro afite ubuhanga mukazana abazifite badafite experience ndetse nubwo buhanga niho mwiciye ireme ry’uburezi.

  26. Twibukeko impamyabushobozi ziri muri kimwe mu bipimo ngenderwaho mu rwego mpuzamahanga mu kugaragaza no gushyira ibihugu ku rutonde mu ireme ry’uburezi.Ubwo rero u Rwanda ruri guraho utwo tuntu twose dutuma u Rwanda rushyirwa inyuma mu ireme ry’uburezi! Uko ibipimo by’ireme ry’uburezi bizamuka mu gihugu ni ko n’inkunga ziyongera!Ntawakwanga inkunga mu gihe ataragere ku rwego rushimishije rwo kwigira!

  27. 1) ndumurezi muri mashuri yisumbuye, ibyo minisitiri yavuze byinguzanyo yo kwiga muri sacco ntayo baguha ntakintu na kimwe umurezi utarize kwigishwa yemerewe mumwarimu Sacco,
    2) natangiye kwiga postgraduate ku itariki 18/9/2018 Nari kuzarangiza kuyiga 5/2019 muri UoK. Mukwezi kwa Kane HEC ngo yahagaritse site yacu twigiragaho ya KAYONZA kugeza nuyumunsi ntiturongera kwiga. Izo zose nimbogamizi zitwugarije nibadufashe tugume dufatanye nabandi gutanga uburezi bufite ireme

  28. Ni byiza umwuga ukorwe n’uwawigiye byuzuye.
    Ibi bintu bikwiye no gukorwa mu itangazamakuru kuko umuntu wese ngo yaba umunyamakuru,upfa kuba ubirose gusa,yrashinga ikinyamakuru,uziranye na nyirikinyamakuru arakuzana akagushyiramo ,mu gihe hari ababyigiye imyaka ingahe muri Kaminuza.
    ibi rero bituma haboneka abanyamakuru b’abiyemezi ngo ni za basitari,abica umwuga bakanga abantu ari byo bagendeyeho.

    Rwose Leta yagakwiye kurengera uyu mwuga!!

  29. Bavandimwe nimureke dutegereze twizeye ahari Imana yazatwibuka. jye natangiye umurimo w’uburezi muri 1997. Nakoranaga n’abarimu bize CERAI na familial ariko mwa bavandimwe mwe umusaruro abo barimu batangaga wari agahebuzo. Ndangiza kaminuza nanditse igitabo topic ari “impact assessment of double shift system ” imwe muri recommsndations yo natanze irimo irashyirwa mu bikorwa yo kugarura single shift. Nasabaga kandi ko abaplanners bakuriye inzego z’uburezi bava mu biro bakatwegera apana kuza gukora checking y’isaha imwe kugirango bibonere reports rimwe na rimwe zipfuye. Bayobozi bacu mufate byibura ukwezi mukumare ku kigo runaka musangira ubuzima bwa buri munsi n’abarimu, abanyeshuri ndetse n’ababyeyi niho muzabasha gufata umwanzuro kandi mubone ko kwigisha ari umuhamagaro mbere na mbere amashuri akaza ari inyunganizi. umuyobozi wa transparency Rwanda yavuze ko ibibazo biri mu burezi byakemurwa na H E kandi nibyo koko ni urugamba rutoroshye.

  30. Reka dutegereze icyo bazabeshya abanyarwanda mu myaka izaza kuko ntabwo ariyo mpamvu naho ibya post graduate ni urwiyerurutso

  31. UMUKORESHYA NIWE UFITE INSHINGANO ZO GUHUGURA UMUKOZI, WDA YARABIKOZE, REB NA MINEDUC MUHUGURE ABARIMU NIBA KOKO MUSHAKA IREME RY’ UBUREZI.
    (1) Abarimu bize uburezi n’ abatarabwize mubagenze gake ntawigisha abikunze kubera umushahara w’ abarimu uri hasi.
    (2) Utarize uburezi haribyo yize; Science in NUR ni benshi, yabuzemo akazi kanahemba neza, atanga imbaragaze imyaka myinshi, akora uburezi neza, uko ashoboye, ahatirwa kwiga ntiyabishobora kubera ubushobozi buke. Mumugenze gake, anashimirwe, kuko bariya bose birirwa bavuga ntibagakora. Ni akazi gasaba ubwitange no kwihangana.
    (3) Umaze igihe cy’ imyaka itanu yigisha ntabwo yarakwiye kwirukanwa, yarakwiye amahugurwa Ku burezi kuko ibyo yigisha arabizi neza.
    (4) Ireme ry’ uburezi rizaboneka aruko mwalimu ahembwa neza, Displine y’ abanyeshuri icunzwe bitandukanye nubu, kugabanya ubucucike, no kuva umuntu yakwiga akabona akazi.
    (5) Leta nitegure ikizamini cy’ abarimu, irebe abo ikomezanya nabo, abahugurwa n’ abirukanwa; naho kuvuga ngo uburezi ubukora afite experience zirenze ubwiga gusa.
    (6) Kwirukana abarimu batize uburezi, bihishyeyo kubera ariho habonetse, bafite ibyo bize bihemba neza badashobora kugeramo ni ugukururira Leta abanzi kandi hari ubundi buryo bwari bukwiye gukoreshwa.
    (7) REB yakoze amakosa yo kumenyesha umuntu ko uzamwirukana, SACCO igafunga imiryango kubatarize uburezi, byateye icyuho gikokeye mukazi no kubura icyizere cy’ ubuzima none abarimu birirwa biyicariye, ntacyo bakora, barihebye, bari kujijisha ngo barebe 2020 nzaba ndimo cg ntarimo,byabaciye intege, ariko Uzi kwitanga imyaka 8, uhembwa make, ugahembwa kwirukanwa. Nzaba ndora ni Umwana w’ I Rwanda.

  32. Nahose abafite impamyabushobozi z’uburezi muri education kurwego rwa Kaminuza ariko bakaba bakiri muri primary mubabara nkabatarize uburezi?mutubarize uko twabigenza .nibatwashyira kumugereka bigahabwa agaciro.

  33. Bonaventure says: none see awaiting kwiga Kandi bigaragara ko batazaba barangije amasomo muri uyu mwaka Kandi bashigaje amasomo make, (ndavuga not yet internship and graduating), kubirukana si ukubahohotera, Kandi bashigaje igihe gito? Baba bahombye kabiri: guhomba amafaranga bishyuye no kugenda a ubumenyi baba bamaze kwiga ntiba ukoreshe. Nge numva hakurikizwa rya hame riri mu itangazo MInistere yaherutse kwandikira uturere ko buri wese yagaragaza aho ahagaze. Uwaarangije agatanga diplome, ukiga akazana towhom/recommendation letter n’uwahisemo kutiga akabivuga.

  34. Bayobozi, nimunoze imikoranire mu mitangire y’imyanzuro, munahuza n’itangwa ry’akazi kuko guhera iri tangazo ryo kujya kwiga kwigisha ryashyirwaho ntimwaretse guha imyanya abo mushyiraho igitutu nibyo batanga bakabitanga bafite ihungabana, bityo rero uwo muzasezerera ntasobanutse neza kuko umushyiramo nawe ntanoza imyanzuro neza kdi kugihe. Minisitiri w’intebe ati nta murezi kuzirikana…, REB iti utarize uburezi azasezererwa 2020 maze guhera igihe yabitangaje bwa mbere ubu Ikaba imaze kongeramo abandi, ibi bikorwa biravuguruzanya ni ukuri.

  35. Abanutu bize ,TTC bagakomeza kwiga education muri university kuki bahezwa kwisoko ryumurimo kandi aribo barimu bukuri, nasabaga minister kubitekerezwho , naho ubundi ibyo gukundisha abantu kwiga uburezi bamwe bazabyanga . murakoze.

  36. Nuko wenda bitashoboka , cyangwa atanyumva ariko nawe ni umuntu.uwampuza na Minister byibura 5minutes nagira icyo mwibariza kuri uyu mwanzuro yafashe.Nange ndi mubiteguye gutaha.

  37. Ntibyoroshye. Ngo hari abantu babaye aba”meke” kubera umushahara muto!!!!????
    Urwego rw’uburezi rurimo ibibazo bitoroshye. Abasaba amahugurwa y’abarimu batize uburezi ndabibutsa ko ireme ry’uburezi ridashingiye kuri mwarimu gusa. Umuryango nyarwanda wose wakagombye kugira inshingano mu burezi kuko kurema umuntu bitandukanye cyane no guhinga imboga cg gutera inka urushinge. Ese ubu umwana uzabona mwarimu wamwigishije imyaka n’imyaniko bamujugunye hanze nk’imbwa yiba amavuta ugirango we ntazibaza icyo arimo yigira? ubu se umwarimu umaze imyaka 3 asabwa kwiga atabishoboye kandi azi neza ko nyuma yaho azirukanwa wambwira ngo muri iyo myaka 3 yatanze umusaruro?
    Tuvugishije ukuri n’abari bagikunze akazi ko kwigisha murimo murakabangisha. Muzashiduka n’abo babyize murata mwabagize abacanshuro. Inkoni ikubise mukeba uyirenza urugo. Uyu munsi ni abatize uburezi byashoboka ko n’abatize combination bizabageraho. Wakora akazi neza ute nta stabilité?

  38. Icyo mbona ni uko byakorwa neza ukuwe mo Leta ikamuzirikana kuyandi mahirwe isanzwe itanga kuko ari umubyeyi hanyuma abize kwigisha bagahabwa kwigisha ,amahugurwa,ibikoresho kugihe ndetse n’ibindi byose bikenerwa kugirango umuntu yigishe neza kandi hagakosorwa n’andimakosa agaragara muburezi naho abarimu batize uburezi nikimwe mumbogamizi muri nyinshi zihari:ubwo niba hatangiwe urugendo hazakomerezwe kugabanya ubucucike,gutangira ibikoresho kugihe, kunoza umushahara wa mwalimu,amahugurwa,kunoza imiyoborere y’ibigo(aho usanga abayobozi aribo bazambya uburezi kdi aribo bakabuzamuye), ndetse nibindi bigaragara ntarondoye hano.

  39. ibibintu birababaje cyane kubona abantu basobanukiwe neza uburezi aribo babuvumbagatanya . ESE nkurugero nk’umuntu wize Nur cyangwa kist sciences akaba amaze imyaka myinshi yigisha Kandi abana ba tsinda neza numwirukana ukazana urangije uburezi ntana content ihagije mwisomo yigisha afite ukeka aribwo muzabona ireme ryuburezi. cyangwa murabara ireme ryomumpapuro gusa . mwebwe mufateneza Mwarimu kandi mumushimire. ngentaburezi nize gusa ahonakoze hose ntamuntu numwe wize uburezi wandushije performance byose biva mugukunda akazi no kwitanga. gusa mwiteragehejuru .mwarimu

  40. UBUREZI NI ISOKO Y’ITERAMBERE. INGAMBA ZOSE ZA ZAMURA IREME RY”UBUREZI ZIGOMBA KWITABWAHO. GUSA ABARIMU BATIZE KWIGISHA ABENSHI BAFITE UBUHANGA BUHANITSE, LETA YAGOMBYE KUBAGENERA AMAHUGURWA AHO KUBATEREGIRANA.

  41. Hari amabwiriza yigeze ashyirwaho ko abize iyakure bazajya bazamurwa badakoze ibizamini, ni iki gituma bitubahirizwa kandi ntayandi mabwiriza yatanzwe ngo ayavuguruze?Muzatubarize ministre w’uburezi atange ibisobanuro binoze.

  42. YEWE NYINE HARI ABIZE CYERA NTIBAZIHEMBERWE HARI ABACYIGA HARI ABARANGIJE UBU MUREBE IBIKWIYE NABAVOKA BABE HAFI KUKO NTIBYOROSHYE

  43. Cooperative umwalimu Sacco ntutanga inguzanyo kumuntu utarize uburezi kandi ariho twakagombye gukura amafaranga yo kwishura postgraduate.ubwo rero turategereje ntakundi.!

  44. Muraho!!! Jyewe mfite ikibazo nshaka kuba minister, ko avuga ko ngo babwiye/basabye cooperative umwalimu sacco gutanga inguzanyo_ikaba ahubwo yaranze kuyiha abantu ngo ntibize uburezi _ubwo none ko namwe muzi neza umushahara mwalimu ahembwa yakwiga ate nta nguzanyo ahawe? M
    Mfite igitekerezo kizima_ndabona aho kwirukana baburimo batabwize Atari byo bikwiye ahubwo mwakumira abinjiramo batarabwize maze mugasaba umwalimu sacco igakomeza gutanga inguzanyo kuri bo bagasoza ayo masomo kuko bitagoye _igisubizo si ukubitura kubahungabanya hirengagizwa umusanzu batanze mu burezi igihe kinini

    cyangwa se niba ibigo bya Leta byo biha abakozi babyo kimwe kuki REB itafasha abo barezi kwiga nk’uko WDA
    yabikoze Ku bakozi bayo?

    Kandi muzi neza ko ahandi nko muri Local government babikoze bakohereza /bagafasha abakozi babo kwiga amasomo bari mu kazi

    Ese ubwo hari abakozi baruta abandi mu Rwanda?? cyangwa ni uko mwalimu nta gaciro afite kuburyo atakwitabwaho kimwe n’abandi bakozi ba Leta?

    Ndashimira Nyakubahwa minisitiri w’intebe uburyo yabitangaje__birakwiye ko ababurimo batarabwize bafashwa kwiga ayo masomo bakarimo_mubyukuri nibwo baba badatotejwe.Many thanks Prime Minister.

    His Excellence wacu nawe akunda Abanyarwanda bose ,yanga n’akarengane.Kuba tumufite twizeye kuzasoza ayo masomo twatangiye turi mu Kazi tudahungabanyijwe.
    Murakoze!!!!

  45. Cyangwa se niba ibigo bya Leta byose biha abakozi
    babyo agaciro kimwe kuki REB itafasha abo barezi kwiga
    nk’uko WDA yabikoze Ku bakozi bayo? ubu bakaba barashyiriweho ama IPRCs bigiramo ayo masomo ya Education__ko batirukanwe? REB niba itabikora ityo nka WDA ,yakagombye kutureka tukiga turi mu Kazi.

    Kandi muzi neza ko ahandi nko muri Local
    government babikoze bakohereza /bagafasha abakozi
    babo kwiga amasomo runaka bari mu kazi.

    Ese ubwo hari abakozi baruta abandi mu Rwanda??
    cyangwa ni uko mwalimu nta gaciro afite kuburyo
    atakwitabwaho kimwe n’abandi bakozi ba Leta?

    Bikwiye kumvikana rwose .

  46. mubyukuri jyambona uburezi burimo akavuyo gakabije cyane cyane mu ihuzagurika ryaburimunsi,nonese nawe tekereza umaze imyaka isaga 5 mukazi,ucyubutazi nikihe? ese experience ntacyo ikimaze? nonese niba ikimaze urakeka abomuzazana mukazi bazatanga irihe reme ry’uburezi ? mujye mwegera abarimu bababwire ahantu bipfira naho ubundi aho mushakira ireme ry’uburezi siho ndabarahiye.

Tanga Igitekerezo

Email yanyu ntigaragazwa ku rubuga. Amazina na Email ni ngombwa.