21°C , Partly cloudy | Kigali-Rwanda
Uvuye iburyo ni Guverineri w'Amajyaruguru Jean Marie Gatabazi, Belise Kariza ushinzwe ubukerarugendo muri RDB na Anna Behm ushinzwe gahunda yo kubungabunga Ingagi (Foto RDB)

Abana b’ingagi 23 bagiye kwitwa amazina

Yanditswe na TWAGIRA WILSON

Ku ya 12-07-2018 saa 07:28:03

Mu kiganiro ubuyobozi bw’Urwego rw’Igihugu rw’Iterambere RDB, rwagiranye n’itangazamakuru mu rwego rwo kugaragaza aho imyiteguro yo kwita izina ingagi igeze, bwatangaje ko  muri icyo gikorwa abana b’ingagi  23 ari bo bazitwa amazina mu muhango uzabera mu murenge wa Kinigi mu Ntara y’Amajyaruguru ku ya 7 Nzeri 2018, ukazitabirwa na bamwe mu bayobozi bakuru  b’igihugu, ndetse n’abandi bafatanyabikorwa mu kubungabunga ingagi baturutse hirya no hino ku Isi.

Uvuye iburyo ni Guverineri w’Amajyaruguru Jean Marie Gatabazi, Belise Kariza ushinzwe ubukerarugendo muri RDB na Anna Behm ushinzwe gahunda yo kubungabunga Ingagi (Foto RDB)

Avugana n’itangazamakuru, Umuyobozi ushinzwe ubukerarugendo muri RDB, Belise Kariza, asanga  ari  umuhango ugiye kuba mu gihe umubare w’izi ngagi zo mu birunga ukomeje kwiyongera ku buryo bushimishije,  agaragaza ko ibarura riheruka ryagaragaje ko  ubu zibarirwa kuri  604 zivuye kuri 480 mu mwaka wa  2010.    

Kariza atiKuri iyi nshuro ya 14, turitegura kwita amazina abana b’ingagi 23, ubwo twishimira uko umubare w’ingagi ugenda wiyongera cyane, ibyo byagezweho ku bufatanye n’abaturage n’abandi bafatanyabikorwa mu kubungabunga ingagi zo mu misozi’’.

Ku birebana n’ibyakozwe mu gufasha no guteza imbere ubuzima bw’abaturiye za Pariki, Kariza agaragaza imishinga y’iterambere ry’abaturage yegerejwe abatuye Kitabi,  Ndego, mu karere ka Kayonza n’ahandi, aho RDB yitegura gutaha ibyo bikorwa ku ya 27 Nyakanga kugeza ku ya 5 Nzeri 2018.   Ati   “Kugeza ubu twubakiye abaturage inzu icumi, bari basanzwe mu bikorwa  bibi bya barushimusi, naho abo muri Ndego tubaha ivuriro, amashanyarazi hamwe na pompe zizamura amazi, yose  ni inyungu ikomoka ku mafaranga ava mu bukerarugendo, muri rusange  miriyoni imwe y’amadolari na miriyoni 28, ni yo yashyizwe mu miryango 158, aho bahawe amazi meza, amashuri n’amavuriro”.

Guverineri w’Intara y’Amajyaruguru Gatabazi Jean Marie Vianney wari muri icyo kiganiro, ashima ko  ubukerarugendo bugenda bunatanga umusaruro ku baturiye za pariki, binyuze muri gahunda yo kubasaranganya 10% by’inyungu  ziva  muri ubwo bukerurugendo.

Akomeza avuga ko abahoze ari ba rushimusi b’inyamaswa babonye icyo bakora, ubu bakaba ari bo bazirinda kugira ngo hatagira ikizihungabanya, ndetse bakaba baravuyemo abayobora abakerurugendo, ababatwara mu modoka,

Ati  “Ahubwo  usanga  abari abanzi b’ibidukukijije ubu  ari bo bazikunda, abashoferi bayobora ba mukerarugendo, abari ba rushimusi ubu ni inshuti z’ibidukikije. Hari imihanda myiza yakozwe muri kariya gace, amashuri n’ibindi bivuye mu musaruro w’ubukerarugendo”.

Anna Behm uhagarariye gahunda zigamije kurengera  ingagi, (International Gorilla Conservation Program), yavuze ko kuba hari abana 23 bagiye kwitwa amazina,  bigaragaza ko  ko umubare w’izi ngagi ukomeje kwiyongera mu bihugu by’Akarere  zibonekamo  harimo n’u Rwanda.

 

TANGA IGITEKEREZO

Leave a Reply

Your email address will not be published. Required fields are marked *