18°C , Mostly cloudy | Kigali-Rwanda
Harish Goyal avuga ko abahanzi nyarwanda hari inyungu bazakura muri Zee TV Africa

Abahinde bakunda umuziki n’Abanyarwanda ni uko- Harish

Yanditswe na NDAMYIROKOYE FRANÇOIS

Ku ya 06-09-2018 saa 08:35:22

Harish Goyal  ukomoka mu Buhinde akaba ari umwe mu bayobozi ba Zee TV Africa itanga imirongo itandukanye ituma abantu bamenya amakuru atandukanye  ay’imyidagaduro agaragara no mu Rwanda yavuze ko yabonye ko muri bimwe Abanyarwanda n’Abahinde bahuriyeho birimo kuba bakunda umuziki.

Harish Goyal avuga ko abahanzi nyarwanda hari inyungu bazakura muri Zee TV Africa

Avuga ko kuba izo mpande zombi zikunda umuziki ari imwe mu mpamvu biyemeje gukorera mu Rwanda ngo kandi hari n’icyo n’abahanzi nyarwanda bazabasha kunguka mu rwego rwo kugira ngo ibihangano byabo birusheho gutera imbere.

Harish Ati “Abahinde bakunda umuziki n’Abanyarwanda barawukunda.”

Avuga kandi ko mbere yo gukorera mu Rwanda babanje gukora ubucukumbuzi basanga nta tandukaniro rinini riri hagati y’umuco nyarwanda n’uw’u Buhinde.

Mu gihe cya vuba avuga ko hari uburyo barimo gutekereza bwo kugira ngo ibihangano nyarwanda bizage bigira umwanya kuri iyo mirongo mu rwego rwo kurushaho guteza imbere ubuhanzi nyarwanda.

Ku rundi ruhande kandi yavuze ko gukunda umuziki bitagendera ku myaka ngo kandi gukunda umuziki runaka yavuze ko bidasaba ko wumva ururimi umuhanzi aririmbano.

Uretse ibi kandi Harish yashimye uburyo u Rwanda rukomeje gukataza  mu iterambere mu nzego zitandukanye.  Magingo aya Zee Tv Africa itanga imirongo inyuranye ya televiziyo kandi ikorera mu bihugu bitandukanye by’Afurika. Kampani ya Zee kandi ikorera no mu Buhinde dore ko ari ho ikomoka.

 

TANGA IGITEKEREZO

Leave a Reply

Your email address will not be published. Required fields are marked *