17°C , Partly cloudy with thunderstorms | Kigali-Rwanda
The Ben na we ni umwe mu bahanzi baririmba mu njyana ya R&B

Abahanzi bigaragaza muri R&B nyarwanda

Yanditswe na NDAMYIROKOYE FRANÇOIS

Ku ya 12-01-2018 saa 08:44:39

Injyana ya R&B ihuriwemo n’urusobe rw’injyana zitandukanye zirimo iyitwa “Pop”. Iyi njyana abahanzi benshi bakunda kuririmbamo indirimbo zibanda ku rukundo zigakundwa n’abatari bake.

Mu Rwanda kandi iyi njyana naho yashinze imizi ikaba iririmbwamo n’abahanzi batandukanye.

Bamwe mu bahanzi nyarwanda umuntu yavuga baririmba muri iyi njyana yahera kuri Fayçal usigaye wiyita “Kode” akaba ari umuhanzi waririmbye indirimbo zitandukanye zirimo iyitwa “Vitamina”, “ Ikirungo”, “ Impeta” n’izindi.

Mugisha Benjamin uzwi nka The Ben na we ni umuhanzi watangiye gukundwa muri muzika nyarwanda mu myaka ya 2008 kuzamura.

The Ben na we ni umwe mu bahanzi baririmba mu njyana ya R&B

Uyu muhanzi azwi ku ndirimbo zitandukanye zirimo iyitwa “ Wigenda” iri mu zo yahereyeho, “Rahira” yakoranye na Kamikazi Liza, “ Ko nahindutse”, “ Inshuti nyanshuti” n’izindi.

Ngabo Medard Jobert uzwi nka Meddy na we wamenyekanye mu muziki mu gihe kimwe na The Ben azwi ku ndirimbo zirimo iyitwa “Ntawamusimbura”, “Holly sprit”, “Igipimo”, “Nasara” n’izindi.

Meddy na we akunzwe cyane muri iyi njyana

Bruce Melody ubusanzwe witwa Itahiwacu Bruce uririmba na we mu njyana ya R&B we yatangiye kumenyekana mu 2012 ubwo yasohoraga indirimbo yitwa “Tubivemo.”

Nyuma y’icyo gihe yakomeje gukundwa muri iyo njyana mu ndirimbo zirimo iyitwa “Ikinya”, “Complete me”, “Ntujy’unkinisha” n’izindi.

Muneza Christophe uzwi nka Christopher we yamenyekanye mu myaka  6 yashize  ubwo yasohoraga indirimbo yitwa “ Iri joro” yafatanyijemo na Danny Nanone. Yakomeje kandi gukora izindi ndirimbo zirimo iyitwa “Byanze”, “Simusiga”, “Ijuru rito”, “Uwo munsi” n’izindi.

Muneza Christophe uzwi mu muziki nka Christopher

Kuri uru rutonde hiyongeraho Safi Madiba witandukanyije na Urban Boys, King James, Tom Close, Yvan  Buravan, Umutare Gaby umeze nk’uwahagaritse ubuhanzi, Knowless ujya unavangamo injyana nyafurika y’Afrobeat,  Princess Priscillah, Marina na  Charly na Nina.

Ku rundi ruhande kandi hari abandi bahanzi barimo kugenda bashaka uko bazamuka muri iyo njyana kuko byumvikana ko bashoboye.

Melody wemezwaho ubuhanga muri R&B

Marina na we amaze kwerekana ko ari umuhanga muri R&B

Princess Priscillah, umuhanzikazi ukundwa muri R&B

TANGA IGITEKEREZO

Leave a Reply

Be the First to Comment!

avatar