17°C , Partly sunny | Kigali-Rwanda

Abahanzi bakomeye bagiye bataramira mu Rwanda

Yanditswe na NDAMYIROKOYE FRANÇOIS

Ku ya 13-02-2018 saa 07:15:03

U Rwanda ni igihugu gitera imbere umunsi ku munsi kandi gifite umutekano ku buryo bushoboka kugera aho  n’abahanzi b’ibyamamare baza kuhataramira bakahishimira bakemeza no kuhagaruka.

Umuntu yinjiye mu  bijyanye n’ibitaramo cyane,  abahanzi b’ibyamamare  bamaze gutaramira mu Rwanda ni benshi cyane.

Umunyamerika Jason Derulo na we yigeze gutaramira mu Rwanda

Abo umuntu yaheraho ni  Sean Kingston ukomoka muri Jamaica waje mu 2011 mu gitaramo cya mbere k’irushanwa rya Primus Guma Guma Super Star Tom Close yegukanyemo igihembo, Jason Derulo wo muri Amerika waje mu 2012  ubwo King James yegukanaga igihembo cya PGGSS2, Brick and Lace  bakomoka muri Jamaica baje mu 2007 mu iserukiramuco ry’umuco nyafurika na Shaggy na we wo muri icyo gihugu  waje mu 2008.

Tekno na we mu 2017 yataramiye mu Rwanda

Abandi umuntu yavuga ni Sean Paul ukomoka muri Jamaica ariko akaba aba muri Amerika waje mu 2008, nyakwigendera Lucky Dube waje mu 1996, 2000 no mu 2006, P-Square abayigize bo muri Nigeria  baje inshuro zitandukanye, D’banj  wo muri Nigeria wigeze kuza ataramira mu karere ka Rubavu mu gitaramo cya Jungle Party, Beenie Man  ukomoka muri Jamaica na we waje mu Rwanda mu 2013 mu iserukiramuco ry’umuco nyafurika ndetse na Koffi Olomide na we  waje mu Rwanda inshuro zitandukanye.

Sean Paul na we yataramiye mu Rwanda mu myaka yatambutse

Kuri uru rutonde hiyongeraho abahanzi bagize itsinda rya Kassav ryo  mu birwa bya Caribbean, Elephant man wo muri Jamaica waje mu 2011 Kamichi amurika Alubumu ye, Alpha Blondy waje mu 2006, Ismaël Lô wo muri Côte d’Ivoire  umaze kuza inshuro ebyiri, Fuse ODG ukomoka muri Ghana ariko akaba aba mu Bwongereza waje  mu 2013, nyakwigendera Oliver Ng’oma wakomokaga muri Gabon waje mu 2008 na Lauryn Hill ukomoka muri Leta zunze ubumwe z’Amerika waje mu 2010.

Sean Kingston ukomoka muri Jamaica

Hiyongeraho kandi abandi bahanzi nka Davido wo muri Nigeria waje mu  2014 mu isabukuru y’imyaka 20 u  Rwanda rwari rumaze rwibohoye, nyakwigendera Brenda Fassie wakomokaga muri Afurika y’Epfo, Lokua Kanza ukomoka muri Repubulika iharanira Demokarasi ya Kongo, Stromoe ufite inkomoko mu Rwanda no mu Bubiligi, Ice Prince, Patoranking,  Wizikid bo muri Nigeria, Mr. Eazi ukomoka muri Ghana akaba  aba muri Nigeria,  Diamond Platnmuz, Ali Kiba, Vanessa Mdee bo muri Tanzania n’abandi.

Davido we muri Werurwe 2018 azongera gutaramira i Kigali.

Abahanzi bose bagiye bataramira mu Rwanda bagiye berekana ko ari abahanga dore ko hafi ya bose ari abahanzi mpuzamahanga.

TANGA IGITEKEREZO

Leave a Reply

Your email address will not be published. Required fields are marked *