18°C , Mostly cloudy | Kigali-Rwanda

Abafana ba Switchbacks FC batoye Rwatubyaye  nk’umukinnyi w’umwaka

Yanditswe na Bugingo Fidèle

Ku ya 07-11-2019 saa 07:30:45
Rwatubyaye Abdoul watowe n'abafa nk'umukinnyi w'umwaka muri Switchbacks FC

Rwatubyaye Abdul, myugariro w’ikipe y’u Rwanda akaba akinira ikipe ya Colorado Springs Switchbacks FC mu kiciro cya kabiri muri Amerika  yatowe n’abafana b’iyi kipe nk’umukinnyi witwaye neza  mu mwaka wa 2019.

Binyuze ku rubuga rwa “Twitter” rw’iyi kipe, Rwatubyaye Abdul ufite imyaka 23 y’amavuko ni we watsinze amatora aho yari ahanganye n’abakinnyi 21 b’iyi kipe akaba  yakurikiwe na  Jordan Schweitzer naho uwa  gatatu aba Jordan Burt.

Aya matora y’umukinnyi w’umwaka yari yatangiye  tariki 21 Ukwakira 2019  aho yakorerwaga ku rubuga rw’iyi kipe.

Muri Mutarama 2019 ni bwo Rwatubyaye Abdul yavuye muri Rayon Sports yerekeza mu ikipe ya Sporting Kansas City mu kiciro cya mbere. Nyuma  iyi kipe yamutije Swope Park Rangers nyuma yerekeza       Colorado Rapids aho yahise imutiza muri  ya Colorado Springs Switchbacks FC mu kiciro cya kabiri kuva muri Gicurasi 2019.

 Mu mikino 17 Rwatubyaye yayikiniye mu gihe cy’amezi ane  yayitsindiye ibitego 2  anatanga umupira umwe wavuyemo igitego. Kwitwara neza byatumye ikipe ya Colorado Rapids yiyemeza kongera kumugarura ndetse ahabwa amasezerano mashya y’umwaka umwe, aho ari mu bakinnyi izakoresha muri shampiyona y’ikiciro cya mbere muri Amerika “Major League Soccer” mu mwaka utaha w’imikino.

Rwatubyaye Abdul  yahamagawe mu ikipe y’igihugu y’u Rwanda igiye gukina imikino ibiri yo gushaka itike ya CAN 2021.

Umwanditsi:

Bugingo Fidèle

Tanga Igitekerezo

Email yanyu ntigaragazwa ku rubuga. Amazina na Email ni ngombwa.