22°C , Mostly cloudy | Kigali-Rwanda
U Rwanda ruzatangira rukina na Tanzania muri CECAFA 2018

CECAFA y’abagore yari yarasubitswe igiye gukinwa

Yanditswe na BIZIMANA ERIC

Ku ya 05-07-2018 saa 08:42:05

Tariki 19-07-2018
Kenya-Uganda (Regional-14h00)
Rwanda-Tanzania (Regional-16h15)

Tariki 21-07-2018
Ethiopia-Uganda (Regional-14h00)
Kenya-Tanzania (Regional-16h15)

Tariki 23-07-2018
Uganda-Tanzania (Regional-14h00)
Rwanda-Ethiopia (Regional-16h15)

Tariki 25-07-2018
Kenya-Ethiopia (Regional-14h00)
Uganda-Rwanda (Regional 16h15)

Tariki 27-07-2018
Ethiopia-Tanzania (Regional-14h00)
Rwanda-Kenya (Regional 16h15)

Nyuma yo kuryigiza inyuma, impuzamashyirahamwe y’umupira w’amaguru w’ibihugu by’Afurika yo hagati n’iby’Iburasirazuba “CECAFA” yamaze kwemeza  ikirangaminsi (gahunda) y’irushanwa ry’amakipe y’ibihugu y’abagore byo muri aka karere.

U Rwanda ruzatangira rukina na Tanzania muri CECAFA 2018

Iri rushanwa rizaba kuva tariki 19 Nyakanga kugeza tariki 27 Nyakanga 2018 ribere kuri Stade ya Kigali i Nyamirambo. Rizitabirwa n’ibihugu bitanu birimo Rwanda, Uganda, Kenya, Tanzania na Ethiopia.

Kuri gahunda aya makipe atanu azakina hagati yayo yose nyuma izabona amanota menshi abe ari yo itwara igikombe. Ikipe y’u Rwanda izatangira ikina na Tanzania yatwaye igikombe, umukino uzaba tariki 19 Nyakanga  2018, iyi kipe izakurikizaho  Ethiopia tariki 23 Nyakanga, ikine na Uganda tariki 25 Nyakanga  isoze ikina na  Kenya tariki 27 Nyakanga 2018.

Umunyamabanga mukuru wa CECAFA, Nicholas Musonye avuga ko biteze ko iri rushanwa rizagenda neza. Ati “Amakipe yose yagaragaje ubushake bwo kwitabira, kandi twahisemo amakipe ko akina hagati yayo. Ubwo rero kuva u Rwanda rwaremeye kwakira twizeye ko iri rushanwa rizagenda neza”.

Iri rushanwa ryagombaga kuba tariki 12 Gicurasi kugeza  22 Gicurasi 2018 riza gusubikwa kuko u Rwanda rutari rwahawe amafaranga yo gutegura iri rushanwa nk’uko rwari rwabisezeranyijwe.

 

TANGA IGITEKEREZO

Leave a Reply

Be the First to Comment!

avatar