26°C , Partly sunny | Kigali-Rwanda
Uwizeyimana Bonaventure wegukanye intera ya 3 ya Rwanda Cycling Cup 2018 yitiriwe kwibuka

Amagare: Uwizeyimana yegukanye intera yitiriwe kwibuka

Yanditswe na BUGINGO FIDELE

Ku ya 10-06-2018 saa 07:27:45

Kigali-Nyanza (130.3 km)

Abahungu

1.Uwizeyimana Bonaventure 3h36’49”

2.Gasore Hategeka 3h38’19”

3.Munyaneza Didier 3h42’39”

Kamonyi-Nyanza (97.6 km)

Ingimbi

1.Nsabimana J.Baptiste 2h52’03”

2.Uhiriwebyiza Ronus 2h54’03″

3.Nzafashwanayo J.Claude 2h54’03″

Abakobwa

1.Nzayisenga Valentine 2h38’19″

2.Tuyishimire Jacqueline 2h38’20″

3.Ingabire Diane 2h38’50″

Uwizeyimana  Bonaventure  ukinira ikipe ya Benediction  y’i Rubavu  yongeye kwigaragaza yegukana intera ya 3 ya Rwanda Cycling Cup 2018.

Uwizeyimana Bonaventure wegukanye intera ya 3 ya Rwanda Cycling Cup 2018 yitiriwe kwibuka

Iyi ntera yitiriwe kwibuka abari abakinnyi, abatoza, abayobozi ndetse n’abakunzi b’umukino wo gusiganwa ku magare bazize Jenoside yakorewe Abatutsi mu 1994 «Race to remember».   Uwizeyimana wari wegukanye intera ya kabiri yabaye tariki 20 Gicurasi 2018 yitwaye  neza yegukana iyi ntera yahagurukiye  ku Gitikinyoni igasorezwa i Nyanza aho babanje kuzenguruka inshuro 5.

Mu kiciro cy’abahungu bakuru n’abatarangeje imyaka 23, Uwizeyimana  yabaye uwa mbere akoresheje  amasaha 3, iminota 36 n’amasegonda 49 mu ntera y’ibirometero 130,3. Yakurikiwe na Gasore Hategaka (3h38’19”) naho ku mwanya wa 3 haza Munyaneza Didier nawe ukinira Benediction wakoresheje amasaha 3, iminota 42 n’amasegonda 39.

Uwizeyimana uretse kwegukana intera ya Rwanda Cycling Cup 2018 yikurikiranya, yanegukanye isiganwa mpuzamahanga ryabereye muri Cameroun «Tour du Cameroun 2018 ». Uku kwitwara neza Uwizeyimana avuga ko ari intego yihaye muri uyu mwaka. Yagize ati «Ndashaka kugira ngo Bonaventure wa kera atandukane n’uyu mwaka».

Mu kiciro k’ingimbi, abakinnyi bahagurukiye Kamonyi bageze i Nyanza bazenguruka inshuro 4, ibirometero 97.6, Nsanzimana Jean  Baptiste ukinira ikipe ya Fly ni we wasize bagenze be akoresheje amasaha 2, iminota 52 n’amasegonda 3 yakurikiwe na  Uhiriwebyiza Ronus (2h54’03″) ku mwanya wa 3  haza  Nzafashwanayo Jean Claude (2h54’03″).

Mu bakobwa na bo bahagurukiye  Kamonyi bakagera i Nyanza bakazenguruka inshuro 4,  Nzayisenga Valentine ukinira Benediction  yabaye uwa mbere akoresheje amasaha  2, iminota 38 n’amasegonda 19 akurikirwa na   Tuyishimire Jacqueline (2h38’20″) na Ingabire Diane (2h38’50″) bose bakinira ikipe ya Benediction y’i Rubavu.

Perezida w’ishyirahamwe ry’umukino wo gusiganwa ku magare «FERWACY», Bayingana Aimable  yatangaje ko iri siganwa ryagenze neza kandi yishimira uburyo habaye kuzenguruka mu mujyi. Avuga  ko byazajya bikorwa buri gihe kuko bituma abantu baryoherwa  n’umukino.

Yanavuze ko  bishimira kuba ubu bafite ikipe y’ingimbi ikomeye ndetse n’abakobwa batangiye kuzamuka.

Bamwe mu bibukwa babaga  mu mukino wo gusiganwa ku magare

Hari Gasinzigwa Edouard (Umukinnyi-Cinee Elmay), Gahutu Theophile (Umukinnyi -Cinee Elmay), Kayumba (Umukinnyi – Club Rwamagana), Nyirakanyana Mathilde (Umukinnyi – Club Rwamagana), Ariette (Umukinnyi – Ruhengeri) , Musoni François (Umukinnyi – Club Butare) , Sakumi Anselme (Visi-Perezida wa FERWACY)  na Gasatu (Umukanishi w’ikipe ya Butare).

 

 

TANGA IGITEKEREZO

Leave a Reply

Be the First to Comment!

avatar